Pisalema 37:6 - BIBELE Mahungu Lamanene

⁶ Xi ta ku khanisa, xi vangamisa ku lulama ka wena ku fana ni dyambu ninhlekanhi.

Xitsonga (Bibele)

⁶ U ta humesa ku lulama ka wena kukota ku vonakala, Ni ku tenga ka wena kukotisa nhlekanhi.

Pisalema 37:6 Referans Kwoze

Esaya 54:17

hikokwalaho, matlhari hinkwawo lama endleriweke ku ku dlaya, a ma nga pfuni nchumu, u ta kaneta ni vanhu hinkwavo lava va ku lumbetaka ehubyeni. Leyi hi yona ndzhaka ya malandza ya mina HOSI, ndzi ta va lwela hi ndlela yoleyo. Ndzi vurisa sweswo, mina HOSI.”

Ntirho 11:17

Kutani vutomi bya wena byi ta vangama kukota dyambu ninhlekanhi, xinyami xa byona xi ta tlhavela hi vurhonga.

Esaya 58:8

Loko mi endla sweswo, minkateko yi ta mi tela kukota vurhonga, mi ta hatla mi horisiwa; mi ta rhangeriwa hi mintirho ya n'wina leyo lulama, kutani mina HOSI ndzi ta mi sirhelela matlhelo hinkwawo hi ku kwetsima ka mina.

Matewu 13:43

Enkarhini wolowo, lavo lulama va ta hatima kukotisa dyambu, eMfun'weni wa Tata wa vona. La nga ni tindleve, a a yingise!

Esaya 58:10

Ni loko mi nga dyi mi tsona lava nga ni ndlala, naswona mi nyika lava pfumalaka va dya va xurha, rivoni ra n'wina ri ta pfurha exinyamini, ku ta ku nghéé, wonge wo va nhlekanhi.

Pisalema 31:20

U va sirhelela laha u nga kona, kule ni lava bohaka makungu layo biha; u va sirhelela entsongeni wa wena, kule ni lava va va rhuketelaka.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Malakiya 3:18

Hikona mi nga ta vona ku hambana exikarhi ka lavo lulama ni lavo homboloka, ni le xikarhi ka lava va ndzi tirhelaka, ni lava va nga ndzi tirheliki mina Xikwembu.”

Yeremiya 51:10

HOSI Xikwembu xa hina xi hi lamulerile, a hi yeni hi ya tivisa van'wana eSiyoni leswi xi hi endleleke swona!”