Pisalema 37:22 - BIBELE Mahungu Lamanene

²² Hakunene, vanhu lava Xikwembu xi va katekisaka, va ta nyikiwa tiko ri va ra vona, kambe lava xi va rhuketelaka, va ta humesiwa eka rona.

Xitsonga (Bibele)

²² Hikuva lava Xikwembu xi va katekisaka, va ta dya ndzhaka ya misava; Kambe lava xi va rhuketelaka, va ta susiwa.

Pisalema 37:22 Referans Kwoze

Swivuriso 3:33

HOSI Xikwembu xi vanga makhombo endlwini ya lowo homboloka, kambe emitini ya lavo lulama, xi nghenisa minkateko;

1 Vakorinto 16:22

Loko munhu a nga rhandzi Hosi, a a ve eku rhukaniweni! “Maranatha! Tana, Hosi!”

Vagalatiya 3:13

Kriste ú hi kutsurile ekhombyeni ra ku rhukana ka Nawu, hi ku tiendla la rhukaniweke hikwalaho ka hina, hikuva Matsalwa ma ri: “A ku rhukaniwe un'wana ni un'wana la hayekiweke emhandzeni.”

Pisalema 37:9

Lavo homboloka va ta herisiwa, kasi lava tshembaka HOSI va ta kuma tiko, va ri teka ri va ra vona.

Vagalatiya 3:10

Hinkwavo lava titshembaka hileswi va hlayisaka Nawu, va le ku rhukaniweni, hikuva Matsalwa ma ri: “Un'wana ni un'wana la tsandzekaka ku hlayisa ni ku endla hinkwaswo-kwaswo leswi tsariweke ebukwini ya Nawu, ú le ku rhukaniweni.”

Matewu 25:41

“Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Pisalema 128:1

Ku katekile munhu un'wana ni un'wana loyi a chavaka HOSI Xikwembu, la fambaka etindleleni ta xona.

Pisalema 119:21

U tshinya vanhu lava titshembaka ngopfu, lava tivangelaka khombo hi ku tshika swileriso swa wena.

Pisalema 115:15

Xona lexi endleke tilo ni misava, a xi ve xona xi mi katekisaka!

Pisalema 37:28

hikuva HOSI Xikwembu xi tsakela leswo lulama, lava va xi khongelaka, a xi nga va tshiki empfhukeni, xi ta va hlayisa hilaha ku nga heriki; kambe vana va lavo homboloka vona va ta heriseriwa makumu.

Pisalema 37:18

Masiku hinkwawo HOSI Xikwembu xi tikarhatela lava nga riki na xisandzu; ndzhaka ya vona yi ta va kona hilaha ku nga heriki.

Pisalema 37:11

Kambe lava titsongahataka va ta kuma tiko ra vona, va ta dya mihandzu ya rona leyo tala va tiphina.

Pisalema 32:1

Ku katekile munhu loyi ku homboloka ka yena ku nga ha hlayiwiki, loyi swidyoho swa yena swi rivaleriweke.

Ntirho 5:3

Ndzi vonile xiphukuphuku xi dzima timitsu, kambe ku nga ri khale, ndzi rhuketele muti wa xona.

Duteronoma 5:33

Mi fanele ku hanya hi ndlela leyi HOSI Xikwembu xi mi lerisaka yona. Loko mi endla sweswo, mi ta kateka, naswona mi ta hanya masiku layo tala etikweni leri mi nga ta ri teka ri va ra n'wina.

Pisalema 25:13

Munhu wo tano ú ta tshama emafurheni, ni vana va yena va ta kuma tiko ri va ra vona.

Esaya 57:13

Loko mi ri ekhombyeni, huwelelani swifaniso swa swikwembu leswi mi tihlengeleteleke swona, swi ta mi lamulela! Moya wu ta swi kukula wu ya swi chela kule, swi ta wa ni loko munhu a hefemula kunene! Kambe vanhu lava va tshembaka mina, va ta kuma tiko ri va ra vona, ni ntshava ya mina leyo hlawuleka yi ta va ndzhaka ya vona.”