Pisalema 37:16 - BIBELE Mahungu Lamanene

¹⁶ Leswitsanana leswi munhu wo lulama a nga na swona, swi tlula rifuwo ra vanhu vo tala lavo homboloka;

Xitsonga (Bibele)

¹⁶ Lexitsongo xa la lulameke Xi tlula ndzalo ya lavo homboloka va ku tala.

Pisalema 37:16 Referans Kwoze

Swivuriso 16:8

Ku va ni swilo switsongo leswi u swi kumeke hi tindlela letinene, swi tlula ku va ni xuma lexo tala lexi u xi kumeke hi tindlela leto biha.

1 Timotiya 6:6

Hakunene vukhongeri lebyi nga ni ku tsaka ka mbilu i rifuwo lerikulu.

Swivuriso 13:25

Munhu wo lulama ú dya a xurha, khwiri ra lowo homboloka rona, ri etlela ni ndlala.

Swivuriso 3:33

HOSI Xikwembu xi vanga makhombo endlwini ya lowo homboloka, kambe emitini ya lavo lulama, xi nghenisa minkateko;

Matewu 6:11

U hi nyika namuntlha vuswa bya hina bya siku rin'wana ni rin'wana;

Eklesiasta 4:6

Xandla xin'we xa munhu wo rhula, xi tlula swimbirhi swa mugingiriki, la hlongorisaka moya.

Eklesiasta 2:26

Munhu loyi Xikwembu xi n'wi tsakelaka, ú nyikiwa hi xona vutlhari ni vutivi ni ku tsaka. Kasi mudyohi yena ú rhwexiwa ntirho wo hlengeleta swilo ni ku swi hlayisa, a ri karhi a tirhela loyi Xikwembu xi n'wi tsakelaka. Na swona sweswo, a swi pfuni nchumu, i ku hlongorisa moya ntsena.

Swivuriso 30:9

hikuva loko ndzi xurha ngopfu, ndzi nga tshuka ndzi ku landzula, ndzi ku: “HOSI Xikwembu xa kona, i mani ke?” Kumbe loko ndzi wela evusiwaneni, ndzi sungula ku yiva, kutani ndzi onha vito ra wena, we Xikwembu xanga.