Pisalema 36:6 - BIBELE Mahungu Lamanene

⁶ Ku lulama ka wena ku fana ni tintshava letikulu, ku avanyisa ka wena ku entile kukota swidziva swa lwandle, we HOSI, u hlayisa vanhu ni swiharhi.

Xitsonga (Bibele)

⁶ Ku lulama ka wena ku fana ni tintshava ta Xikwembu; Ku avanyisa ka wena i xidziva lexikulu; Yehovha, u hlayisa vanhu ni swiharhi.

Pisalema 36:6 Referans Kwoze

1 Timotiya 4:10

Hi tirha swinene ni ku tikarhatela swona leswi, hikuva hi vekile ku tshemba ka hina eka Xikwembu lexi hanyaka, lexi nga muponisi wa vanhu hinkwavo, ngopfu-ngopfu wa lava pfumelaka.

Varhoma 11:33

Vukosi bya Xikwembu, ni vutlhari bya xona, ni vutivi bya xona, a hi ku enta ka swona! Makungu ya xona ma nga pimisiwa ku yini, ni tindlela ta xona ti nga twisisiwa ku yini xana?

Pisalema 77:19

U boxile ndlela ya wena exikarhi ka lwandle, u tsemakanyile hi le swidziveni, kutani ku hava loyi a voneke minkondzo ya wena.

Pisalema 71:19

We Xikwembu, ku lulama ka wena i kukulu kukota matilo. U tirhile leswikulu ngopfu, ku hava loyi a ringanaka na wena we Xikwembu.

Esaya 45:19

A ndzi vulavulanga exihundleni, kumbe exivandleni lexi nga ni xinyami; a ndzi byelanga va ka Yakobo, ndzi ku: ‘Ndzi laveni laha ku nga riki na nchumu.’ Mina HOSI ndzi vulavula ntiyiso, ndzi tivisa vanhu leswi nga swona.”

Pisalema 145:9

Swivumbiwa swa xona hinkwaswo xi swi hlayisa hi vunene ni tintswalo.

Pisalema 97:2

HOSI Xikwembu xi rhendzeriwe hi mapapa ya ntima ni munyama, masungulo ya vuhosi bya xona i nawu ni ku lulama.

Pisalema 92:5

We HOSI, mintirho ya wena a hi ku kula ka yona! Miehleketo ya wena yi entile ngopfu!

Varhoma 3:25

Xikwembu xi n'wi vekile leswaku hi ku fa ka yena, vanhu va rivaleriwa swidyoho, loko va pfumela eka yena; xi endlele ku komba hilaha xi endlaka vanhu va va lava lulameke hakona, hikuva a xi hlayelanga vanhu ku dyoha ka vona ka khale, eminkarhini ya ku tsetselela ka xona;

Yonasi 4:11

Kutani mina ke? Xana a ndzi nga fanelanga ku wu twela vusiwana muti lowukulu lowu wa Ninivha xana, lowu nga ni vanhu vo tlula 120 000 lava nga tiviki ku hlawula leswinene eka leswo biha? Naswona wu ni swifuwo leswo tala!”

Esaya 40:28

Xana a mi tivi nchumu, a mi twanga nchumu ke? HOSI Xikwembu, xona Xikwembu lexi nga kona hilaha ku nga heriki, lexi tumbuluxeke misava hinkwayo, a xi karhali, a xi heli ntamu, makungu ya xona, a ma tivi hi munhu.

Pisalema 147:9

Hi xona xi phamelaka swiharhi, xi phamela ni mavondlo ya mawukuwuku lama rilelaka swakudya.

Ntirho 37:23

Xi ni matimba hinkwawo, hi nge tshineli kusuhi na xona; xi fuma hi ntamu ni ku lulama, xi tele ku tshembeka, xi nge xanisi munhu.

Ntirho 7:20

Ndza swi tiva, ndzi mudyohi, kambe a ndzi dyoheli wena, we mukamberi wa vanhu. Xana u ndzi copela yini hi miseve ya wena, ndzi ku tikela ha yini xana?

Nehemiya 9:6

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

1 SAMIELE 14:15

Vafilista lava a va ri emixaxeni ni le rivaleni, ni lavan'wana hinkwavo, va khomiwa hi ku chava lokukulu; hambi va ri va mintlawa ya varindzi ni ya vahlaseri, va rhurhumela hi ku chava. Misava na yona a yi tsekatseka, kutani ku chava ka vona ku ya ku engeteleka.

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Eksoda 9:28

Hi khongeleleni eka HOSI Xikwembu, hikuva tilo leri ni xihangu lexi swi hi karhatile ku ringana; ndzi ta mi tshika mi famba, a mi nga ha kali mi tshama.”

Genesa 18:25

Mhaka ya ku herisiwa ka vanhu vo lulama swin'we ni lavo homboloka, u nga tshuki u yi endla. U nga tshuki u fanisa lavo lulama ni lavo homboloka. Xana Muavanyisi wa misava hinkwayo a nga tsandzeka ku endla leswo lulama xana?”

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Duteronoma 7:9

Hikokwalaho, tsundzukani leswaku HOSI Xikwembu xa n'wina, i Xikwembu xi ri xoxe, naswona xa tshembeka, xi hlayisa ntwanano wa xona. Lava va xi rhandzaka ni ku hlayisa milawu ya xona, xa va rhandza ku ya fika eka rixaka ra madzana-dzana.

Pisalema 31:20

U va sirhelela laha u nga kona, kule ni lava bohaka makungu layo biha; u va sirhelela entsongeni wa wena, kule ni lava va va rhuketelaka.

Swirilo 3:23

ti vonaka ti ri tintshwa siku rin'wana ni rin'wana. Ku tshembeka ka wena HOSI, i kukulu!