Pisalema 34:18 - BIBELE Mahungu Lamanene

¹⁸ HOSI Xikwembu xi le kusuhi ni vanhu lava timbilu ta vona ti nga eku vavisekeni, xi ponisa lava mimoya ya vona yi tshovekeke.

Xitsonga (Bibele)

¹⁸ Yehovha u kusuhi ni lava nga ni timbilu leti tshovekeke, U ponisa va mimoya leyi khinyekeke.

Pisalema 34:18 Referans Kwoze

Pisalema 147:3

Xi horisa lava vavisekaka timbilu, xi bohelela timbanga ta vona.

Pisalema 145:18

HOSI Xikwembu xi le kusuhi ni hinkwavo lava va xi khongelaka, va nga lava va xi khongelaka hi mbilu hinkwayo.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.

Ezekiele 36:26

Ndzi ta mi nyika timbilu letintshwa, ndzi mi avela ni moya lowuntshwa; ndzi ta susa timbilu ta n'wina to nonon'hwa kukota maribye, ndzi mi nyika timbilu leto olova leti yingisaka.

Esaya 66:2

Swilo hinkwaswo swi endliwile hi mina, kutani i swa mina hinkwaswo. Ndzi tsakela munhu loyi a titsongahataka, loyi a tisolaka hi mbilu hinkwayo, a xixima milawu ya mina.

Pisalema 85:9

Hakunene Xikwembu xi le kusuhi ni lava va xi chavaka: Xi ta va ponisa, kutani ku dzuneka ka xona a ku nga ha suki etikweni ra hina.

Esaya 55:6

Lavani HOSI Xikwembu loko xa ha kumeka, xi vitaneni loko xa ha ri kusuhi.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Pisalema 119:151

Hambiswiritano we HOSI, u le kusuhi na mina, ni swileriso swa wena hinkwaswo swi tiyile.

2 TIHOSI 22:19

kutani u tisorile hi mbilu. U titsongahatile emahlweni ka mina endzhaku ka loko u twile hilaha ndzi vulavuleke hakona ehenhla ka ndhawu leyi ni le henhla ka vaaki va yona, loko ndzi te: Laha, ku ta hundzuka marhumbi ni xivandla lexi rhukaniweke; kutani u handzulerile swiambalo swa wena, u rila mihloti emahlweni ka mina. Hikokwalaho, na mina HOSI ndzi ku twile.

Ezekiele 36:31

Mi ta anakanya mahanyelo ya n'wina layo biha ni mintirho ya n'wina leyi nga tsakisiki, kutani mi ta tisola hikwalaho ka swidyoho swa n'wina ni manyala lawa mi ma endleke.

Pisalema 75:1

Ha ku tlangela we Xikwembu, ha ku tlangela! U le kusuhi na hina, kutani vanhu va fanele ku twarisa mintirho ya wena leyo hlamarisa.

2 TIHOSI 20:5

“Famba, u ya byela Hezekiya mufambisi wa tiko ra mina, leswaku HOSI Xikwembu xa Davhida kokwa wa yena xi vurisa sweswo xi ri: ‘Xikhongelo xa wena ndzi xi twile, ndzi vonile ni mihloti ya wena. Hikokwalaho, ndzi ta ku horisa, kutani ku sukela mundlwani, u ta kota ku tlhandlukela endlwini ya mina.

Pisalema 18:7

Kavaloko misava yi ninginika, yi tsekatseka, kutani masungulo ya tintshava ma rhurhumela ni ku gudlagudla, hikuva HOSI a yi pfurha hi vukari.

Pisalema 145:19

Lava va xi chavaka, xi va endlela hi ku navela ka vona, loko va rila eka xona, xa va twa kutani xi va ponisa.