Pisalema 34:12 - BIBELE Mahungu Lamanene

¹² Loko mi navela vutomi lebyinene, ni ku kuma minkateko emasikwini ya n'wina ya ku hanya,

Xitsonga (Bibele)

¹² I mani la rhandzaka ku hanya, La navelaka ku vona masiku ya ku kateka?

Pisalema 34:12 Referans Kwoze

Duteronoma 30:20

Rhandzani HOSI Xikwembu xa n'wina, mi endla leswi xi mi byelaka swona, mi xi namarhela. Loko mi endla sweswo, mi ta va ni vutomi, mi hanya masiku layo tala, mi tshama etikweni leri HOSI Xikwembu xi hlambanyeke ku ri nyika vatata wa n'wina Abrahama na Isaka na Yakobo.”

Duteronoma 6:2

N'wina ni vana va n'wina ni vatukulu va n'wina, chavani HOSI Xikwembu xa n'wina. Evuton'wini bya n'wina hinkwabyo, hanyani hi ku hlayisa milawu ni swileriso hinkwaswo leswi ndzi mi byeleke swona. Loko mi endla tano, mi ta hanya masiku layo tala.

Eklesiasta 3:13

Loko munhu a kota ku dya ni ku nwa, ni loko a vona leswo tsakisa entirhweni wa yena, ú ta va a lo nyikiwa swona hi Xikwembu.

Pisalema 91:16

Ndzi ta engetela malembe ya yena ya ku hanya, kutani ú ta swi vona leswaku hi mina ndzi n'wi ponisaka.”

Pisalema 4:6

Vanhu vo tala va ri: “Mawaku loko hi nga kuma minkateko! We HOSI, hi langute, u hi komba tintswalo!”

Ntirho 7:7

“Wena Xikwembu, wa swi tiva, vutomi bya mina i hikanyana ntsena; a ndzi nga ha tlheli ndzi vona minkateko.

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Eklesiasta 2:3

Ndzi lavile tindlela ta ku titsakisa hi ku nwa vhinyo, ndzi ringeta ku tipengisanyana, kambe ndzi nga tirivali; a ndzi navela ku vona leswaku loko munhu a ha ri laha misaveni, a nga endla yini ku kuma ntsako.

Pisalema 21:4

Ú komberile vutomi eka wena, kutani u n'wi nyikile, u n'wi andzisele ni masiku ya ku hanya.

Genesa 49:2

“Tanani mi ta twa, n'wina vana va Yakobo, yingisani mina Israele tata wa n'wina!

1 SAMIELE 12:23

Loko a ri mina, ndzi ta va ndzi dyohela HOSI Xikwembu loko ndzi nga ha mi khongeleli; hikokwalaho, ndzi ta mi tsundzuxa tindlela letinene, to lulama:

Ntirho 33:33

Kambe loko u ri hava rito, u to miyela u ndzi yingisa, kutani ndzi ta ku dyondzisa vutlhari.”

Swivuriso 4:20

N'wananga, rhiya ndleve u twa marito ya mina, yingisa leswi ndzi ku byelaka swona,

Swivuriso 7:24

Hikokwalaho sweswi, ndzi yingiseni n'wina vana, rhiyani ndleve, mi twa leswi ndzi mi byelaka swona.

Swivuriso 9:10

Masungulo ya vutlhari i ku chava HOSI Xikwembu, Muhlawuleki ú tiviwa hi loyi a twisisaka.