Pisalema 33:6 - BIBELE Mahungu Lamanene

⁶ HOSI Xikwembu xi endle matilo hi rito ra xona, xi lo lerisa kunene, kutani dyambu ni n'weti ni tinyeleti, swi va kona hinkwaswo.

Xitsonga (Bibele)

⁶ Matilo ma endliwile hi rito ra Yehovha, Ni vandla hinkwaro ra wona hi ku hefemula ka nomu wa yena.

Pisalema 33:6 Referans Kwoze

Vaheveru 11:3

Hi ku pfumela, hi twisisa leswaku tilo ni misava swi tumbuluxiwile hi rito ra Xikwembu, hileswaku leswi voniwaka swi endliwile swi huma eka leswi nga voniwiki.

2 Petro 3:5

Vanhu lava va vula ha vomu, hi ku rivala mhaka leyi: Hileswaku matilo a ma ri kona khale ni khale, ni leswaku misava yi vumbiwile hi rito ra Xikwembu yi huma ematini, yi ri xikarhi ka mati.

Ntirho 33:4

hikuva Moya wa Xikwembu, hi wona wu ndzi vumbeke, Lowa-matimba-hinkwawo ú ndzi huhutele wona, a ndzi nyika vutomi.

Pisalema 33:9

hikuva xi vulavurile, kutani swilo swi va kona; xi lo lerisa kunene, kutani swi humelela.

Genesa 2:1

Kutani ntirho wo tumbuluxa tilo ni misava, ni hinkwaswo leswi nga ka swona, wu herisa sweswo.

Genesa 2:7

Kutani HOSI Xikwembu xi vumba munhu hi ntshuri wa misava, xi huhutela moya lowu nyikaka vutomi etinhompfini ta yena, kutani munhu a va xivumbiwa lexi hanyaka.

Yohane 20:22

Loko a vurise sweswo, a va huhutela, a ku: “Amukelani Moya lowo Kwetsima.

Genesa 1:6

Kutani Xikwembu xi ku: “Exikarhi ka mati a ku ve ni mpfhuka lowu nga ta ma hambanisa.”

Ntirho 26:13

Xi hungisa moya, wu hangalasa mapapa, xi tlhava ni nyoka ya ximememe.

Genesa 6:7

kutani xi ku: “Ndzi ta herisa vanhu lava ndzi va tumbuluxeke laha misaveni, ni swiharhi, ni swikokovi, ni tinyanyana. Ndza tilaya, leswi ndzi vumbeke swilo leswi.”

Varhoma 1:25

Va tshikile ntiyiso wa Xikwembu, va landza mavunwa, va gandzela ni ku tirhela leswi vumbiweke, ematshan'wini ya Muvumbi loyi a fanelaka ku vongiwa hi masiku ni masiku. Amen!

Pisalema 104:30

Kambe loko u tlhela u swi huhutela moya, swi tumbuluka hi vuntshwa, misava u yi nyika xivumbeko lexintshwa.

Genesa 1:1

Eku sunguleni, Xikwembu xi tumbuluxile tilo ni misava.

Duteronoma 4:19

Loko mi languta ehenhla, mi vona hinkwaswo leswi nga kona, ku nga dyambu, ni n'weti, ni tinyeleti, tivoneleni leswaku swi nga mi hambukisi, kutani mi swi nkhinsamela kumbe ku swi tirhela, hikuva swilo leswi, HOSI Xikwembu xa n'wina xi swi avele vanhu va matiko man'wana hinkwawo leswaku va swi gandzela.

Yeremiya 8:2

kutani ma ta hangalasiwa erivaleni, ehansi ka dyambu ni n'weti ni tinyeleti hinkwato, swi nga swilo leswi Vaisraele va swi rhandzaka ni ku swi tirhela, leswi va swi landzelelaka, va swi vutisa timhaka ni ku swi nkhinsamela. Marhambu lawa a ma nga ha hlengeletiwi kumbe ku lahliwa emasirheni, kambe ma ta fana ni vulongo loko byi cheriwile emasin'wini.

Yeremiya 10:16

Xikwembu xa va ka Yakobo a xi fani ni swikwembu leswi: Hi xona xi vumbeke swilo hinkwaswo, kutani Vaisraele i vanhu va xona va xiviri. Vito ra xona i HOSI ya matimba hinkwawo.