Pisalema 33:16 - BIBELE Mahungu Lamanene

¹⁶ Mufumi wa tiko a nga ponisiwi hi ku va ni mavuthu layo tala, ni nhenha a yi hluli hi mhaka ya matimba ya yona lamakulu.

Xitsonga (Bibele)

¹⁶ Hosi a yi ponisiwi hi nyimpi leyikulu, Nhenha a yi tshunxiwi hi matimba lamakulu

Pisalema 33:16 Referans Kwoze

Pisalema 44:3

Vatatana va hlurile valala va va tekela tiko, kambe ku nga ri hi matimba ya vona ni matlhari ya vona; va ri kumile hi matimba ya wena lamakulu, hikuva a wu ri kusuhi na vona, u va komba leswaku wa va tsakela.

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

2 TIKRONIKA 20:23

Kutani va sungula ku dlayana hi xivona, Vaamoni ni Vamowabu va hlengela Vaseyira va va herisa va ku bì. Kutani va sala va dlayana, va lovisa sweswo hinkwavo.

Vaavanyisi 7:2

HOSI Xikwembu xi ku ka Gidiyoni: “Vanhu lava u nga na vona va tele ngopfu! Ndzi nga ka ndzi nga nyiketi Vamidiyani emavokweni ya Vaisraele vo tarisa sweswo, hikuva va nga tikurisa emahlweni ka mina, va ku: ‘Hi tiponisile hi matimba ya hina.’

Eksoda 14:28

Kutani mati ma vuya, ma khubumeta makalichi, ni vagadi va tihanci, ni mavuthu ya Faro hinkwawo lawa a ma nghenile elwandle ma landza Vaisraele; a ku salanga munhu ni un'we.

2 TIKRONIKA 32:21

Kutani xona xi rhuma ntsumi ya xona, yi ya dlaya masocha hinkwawo ni tindhuna ta wona, emixaxeni ya hosi ya Asiriya. Hiloko Senakeribi a muka a ri ni tingana; kutani siku rin'wana, loko a ya khongela endlwini ya xikwembu xa yena, van'wana va vana va yena va n'wi dlayela kona hi fumu.

2 TIKRONIKA 20:12

We Xikwembu xa hina, xana vanhu lava u ta va tshika ntsena u nga va bi xana? Hina hi hava matimba yo lwa ni ntshungu wo tarisa leswi, lowu wu taka ku ta hi hlasela. A hi tivi lexi hi nga xi endlaka, hi tshembile wena ntsena!”

1 SAMIELE 17:4

Kutani wanuna wa xihontlovila la vuriwaka Goliyadi, wa le Gati, a huma emixaxeni ya Vafilista. Wanuna loyi a a lehile ku lava ku ringana timitara tinharhu.

Yoxuwa 14:12

Kutani sweswi, tiko leri ra laha magangeni, leri HOSI Xikwembu xi vulavuleke ha rona, ndzi nyike rona. U swi twile leswaku Vaanaka va tshama eka rona emitini leyikulu ya makhokholo; kumbexana HOSI Xikwembu xi ta va na mina ndzi kota ku va hlongola va suka, hilaha xi vuleke hakona.”

1 TIHOSI 20:10

va ri ni rito leri humaka eka Bene-Hadada, leri nge: “Mina Bene-Hadada, ndza tiyisa hi ku hlambanya hi swikwembu, ndzi ri: Ritshuri hinkwaro ra Samariya ri nga ka ri nga tati swandla swa vavanuna hinkwavo lava va ndzi tirhelaka.”

Vaavanyisi 7:4

Kutani HOSI Xikwembu xi ku ka Gidiyoni: “Vanhu lava va ha tele ngopfu. Rhelela na vona mi ya laha ku nga na mati, kutani mina ndzi ta fika ndzi ku hlawulela vona. Munhu loyi ndzi nga ta ku byela leswaku ú fanele ku famba na wena, ú ta famba; kambe loyi ndzi nga ta ku byela leswaku a nga fambi na wena, a nge fambi.”

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

1 TIHOSI 20:15

Kutani Akabu a rhamba majaha, ma ta phalala ma ri 232. Endzhaku ka swona, a rhamba vavanuna hinkwavo va Israele, va ko va ringana 7 000.

2 TIKRONIKA 13:8

“Namuntlha, mi ri mi ta tiya emahlweni ka vuhosi lebyi HOSI Xikwembu xi byi tameriseke va ka Davhida. Ma titshemba, hikuva mi tele ngopfu, naswona mi tile ni marhole ya nsuku lama vumbiweke hi Yerobuwamu, mi ri hi swona swikwembu swa n'wina!

Ntirho 36:7

lava lulameke, a xi va fularheli. “Xi veka vafumi eswiluvelweni swa vona, xi va tshamisisa kona nkarhi wo leha, kambe loko va sungula ku tikurisa,

Ntirho 39:11

Leswi ti nga ni matimba lamakulu, xana u nga tshemba ku tirheriwa ha tona, loko ntirho wu ku tikela xana?

Pisalema 20:8

Va ta hela matimba, va wa, kambe hina hi ta yima hi ku tsèrhè!

Eklesiasta 9:11

Ndzi engetile ndzi vona ni leswi: Laha misaveni, a hi vanhu lava tsutsumaka hi rivilo lava hetaka mpfhuka, naswona a hi lava nga ni matimba lava hlulaka enyimpini. A hi lavo tlhariha lava kumaka swakudya, ni rifuwo a ri kumiwi hi lavo dyondzeka. Lava tivaka maendlele a hi vona va tsakeriwaka. Hinkwaswo swi ni nkarhi lowu swi humelelaka ha wona.

Yeremiya 48:14

“N'wina vavanuna va Mowabu, mi nga vurisa ku yini mi ku: ‘Hi tinhenha hina, enyimpini a hi chavi nchumu!’

Hosiya 10:13

Manyala wona mi byarile, ntshovelo wa n'wina i ku homboloka, swakudya swa n'wina i mihandzu ya mavunwa, hikuva mi tshemba makalichi ya n'wina ya nyimpi, ni mavuthu ya n'wina layo tala.

Amosi 2:14

Lava nga ni rivilo, va nge kumi nkarhi wo tsutsuma, ni lava nga ni matimba, va ta heleriwa ha wona; hambi yi ri nhenha, yi nga ka yi nga tiponisi.

Amosi 2:15

Loyi a lwaka hi vurha, a nge yimi, hambi loyi a nga ni rivilo, a nge phonyoki, ni mugadi wa hanci a nge koti ku tiponisa.