Pisalema 33:15 - BIBELE Mahungu Lamanene

¹⁵ Hi xona xi vumbeke timbilu ta vona hinkwato, xi tiva hinkwaswo leswi va swi endlaka.

Xitsonga (Bibele)

¹⁵ Hi yena la vumbeke timbilu ta vona hinkwavo, La anakanyaka ku endla hinkwako ka vona.

Pisalema 33:15 Referans Kwoze

Yeremiya 32:19

u mutsundzuxi lonkulu la tirhaka leswo hlamarisa; mahlo ya wena ma vona ni swihundla hinkwaswo swa vanhu. Munhu un'wana ni un'wana, u n'wi hakela hi ku ya hi mintirho ya yena; hinkwavo va tshovela leswi va swi byaleke.

Pisalema 44:21

xana a wu nga ta swi tiva xana, leswi u tivaka swihundla swa le mbilwini ya munhu?

Hosiya 7:2

Kambe vona a va swi ehleketi leswaku mintirho ya vona leyo biha, ndza yi tsundzuka hinkwayo. Sweswi mintirho leyi ya vona yi va rhendzerile, yi lo tlàngàndlà, emahlweni ka mina.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Esaya 64:8

“Hambiswiritano, we HOSI, u tata wa hina; hina hi vumba, muvumbi hi wena, hinkwerhu hi endliwile hi wena.

Eklesiasta 7:29

Mhaka leyi ndzi yi kumeke hi leyi: Xikwembu xi endlile vanhu va ri lava lulameke, kambe vona va tilavele tindlela to tala leti hambukeke.

Swivuriso 27:19

Munhu la langutaka embilwini ya yena, wa titiva leswaku hi yena mani, ku fana ni xikandza lexi tivonaka ematini.

Swivuriso 24:12

Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Swivuriso 22:2

Swifumi ni swisiwana swi hlangana eka xilo xin'we: Hinkwavo va endliwile hi HOSI Xikwembu.

Ntirho 11:11

Xikwembu xi tiva vanhu lava nga pfuniki nchumu, mintirho ya vona leyo biha, xi hatla xi yi vona.

Ntirho 10:8

Hi wena u vumbeke swirho swa mina hinkwaswo loko u ndzi tumbuluxa, kambe sweswi wa ndzi dlaya!

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.