Pisalema 33:14 - BIBELE Mahungu Lamanene

¹⁴ xi xiyaxiya vanhu hinkwavo lava akeke emisaveni xi ri exiluvelweni xa xona.

Xitsonga (Bibele)

¹⁴ Endhawini leyi a akeke eka yona, U languta vaaki hinkwavo va misava;

Pisalema 33:14 Referans Kwoze

1 TIHOSI 8:39

va yingise, wena HOSI, u ri evutshan'wini bya wena ematilweni, u va rivalela, u tlherisela un'wana ni un'wana wa vona hi ku ya hi mahanyelo ya yena ni makungu ya mbilu ya yena, hikuva hi wena ntsena u tivaka timbilu ta vanhu.

1 Timotiya 6:16

Hi yena ntsena la nga riki na ku fa, loyi a akeke eku vonakaleni loku nga tshinelelekiki; ku hava munhu ni un'we loyi a tshamaka a n'wi vona, kumbe loyi a kotaka ku n'wi vona. Eka yena a ku ve ku chaviseka ni ku fuma, hilaha ku nga heriki. Amen.

Luka 11:2

Kutani Yesu a ku ka vona: “Loko mi khongela, mi nge: “ ‘Tatana, vito ra wena a ri hlawuleke; a ku te ku fuma ka wena;

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Pisalema 123:1

Ndzi languta eka wena, wena la fumaka a ri ematilweni.

1 TIHOSI 8:43

n'wi yingise we HOSI u ri evutshan'wini bya wena ematilweni, u n'wi endlela hinkwaswo leswi swi n'wi susumeteke ku kombela eka wena. Hi ndlela leyi, vanhu hinkwavo va misava va ta tiva vito ra wena va ku chava, tanihi leswi Vaisraele vanhu va wena va ku chavaka; naswona vamatiko va ta tiva leswaku yindlu leyi ndzi yi akeke i Tempele ya wena hakunene.

1 TIHOSI 8:30

Yingisa xikombelo xa mina nandza wa wena, ni xa Vaisraele vanhu va wena, loko va khongela va ri karhi va languta xivandla lexi. Hi yingise u ri evutshan'wini bya wena ematilweni, hi yingise u hi rivalela!

1 TIHOSI 8:27

“Kambe xana wena Xikwembu u nga tshama emisaveni hakunene ke? Leswi matilo ya matilo ma nga ku eneriki, Tempele leyi ndzi yi akeke, yi nga ku enerisa ku yini xana?

2 TIKRONIKA 16:9

HOSI Xikwembu a xi tshiki ku hoxa tihlo hala ni ala emisaveni, xi hatla xi ya tiyisa vanhu lava va xi tshembaka. Kambe leswi wena u swi endleke, i vuphukuphuku ntsena! Hikokwalaho, ku sukela sweswi, u ta tshamela ku hlaselana ni vaakelani va wena.”

Pisalema 113:6

loko xi languta matilo kumbe misava, xo korhama kunene.

Yeremiya 32:19

u mutsundzuxi lonkulu la tirhaka leswo hlamarisa; mahlo ya wena ma vona ni swihundla hinkwaswo swa vanhu. Munhu un'wana ni un'wana, u n'wi hakela hi ku ya hi mintirho ya yena; hinkwavo va tshovela leswi va swi byaleke.

Zakariya 4:10

Xana i vamani lava soleke ntirhonyana lowutsongo wa masungulo xana? A va tsake sweswi, loko va vona Zerubabele a khomile ribye lero hlawuleka ngopfu. Ntsumi yi tlhela yi ku: “Timboni ta 7 i mahlo ya HOSI Xikwembu, lama valangaka misava hinkwayo.”