Pisalema 33:11 - BIBELE Mahungu Lamanene

¹¹ Kambe makungu ya xona ma tirha minkarhi hinkwayo, leswi xi swi anakanyaka, a swi siveriwi ni siku ni rin'we.

Xitsonga (Bibele)

¹¹ Makungu ya Yehovha ma tiyile hi laha ku nga heriki; Mianakanyo ya mbilu ya yena yi yima etinxakeni hinkwato.

Pisalema 33:11 Referans Kwoze

Swivuriso 19:21

Makungu ya mbilu, a hi ku tala ka wona, kambe ku ta endleka ntsena leswi HOSI Xikwembu xi swi tsakelaka.

Esaya 46:10

Mina ndzi vula ka ha ri ku sunguleni, hilaha swilo swi nga ta humelela hakona, swilo leswi swi nga si humelelaka, ndzi swi tivisile khale; ndzi vurile ndzi ku: ‘Makungu ya mina ma tiyile, hinkwaswo leswi ndzi tiyimiseleke ku swi endla, ndzi ta swi endla!’

Ntirho 23:13

Xikwembu a xi hundzuki, xi nge kanetiwi hi munhu, xi tiendlela swilo hi ku rhandza.

Yeremiya 29:11

Makungu lawa ndzi nga na wona ehenhla ka n'wina, ma tiviwa hi mina ntsena. Mina HOSI ndzi ri, makungu ya kona i ya ku mi katekisa, ku nga ri ku mi vangela makhombo; ndzi mi tshembisa leswaku ma ha ta vona minkarhi leyi taka.

Swirilo 3:37

Loko N'wini wa hinkwaswo a nga lerisanga nchumu, xana i mani loyi a nga vulaka rito, kutani swilo swi humelela, xana?

Esaya 14:24

HOSI ya matimba hinkwawo yi tiyisile hi ku hlambanya, yi ku: “Makungu lawa ndzi ma endleke, ma nge tlheleli ndzhaku, ni leswi ndzi swi boheke, a swi nga ha hundzuki:

Esaya 14:27

HOSI ya matimba hinkwawo yi bohile mhaka, xana ú kona la nga kanetaka? Yi tlakusile voko ra yona, xana ú kona la nga ri tlherisaka?

Daniele 4:37

Kutani sweswi mina Nebukadnetsara, ndzi dzunisa Hosi ya matilo, ndzi yi tlangela ni ku yi komba xichavo, hikuva mintirho ya yona hinkwayo i yinene, ni tindlela ta yona ti lulamile; lava tikurisaka, ya swi kota ku va tsongahata.”

Vaefesa 1:11

Hakunene Xikwembu xi endla hinkwaswo hilaha xi rhandzaka hakona ni hilaha xi pimaka hakona, kutani xi hlawurile hina Vayuda ku va vadyandzhaka va xona eka Kriste, hi ku tilulamisela ka xona ka khale,

Pisalema 92:5

We HOSI, mintirho ya wena a hi ku kula ka yona! Miehleketo ya wena yi entile ngopfu!

Mikiya 4:12

Kambe vanhu lava a va swi tivi leswaku HOSI Xikwembu xi ehleketa yini, makungu ya xona a va ma tivi, ku nga ku va hlengeleta endhawini yin'we ku fana ni mavele exivuyeni.

Timhaka 15:18

Hosi yi vula sweswo, yona yi tirhaka swilo leswi, swi nga swilo leswi tivisiweke khale.’

2 TIHOSI 19:25

“ ‘Xana a wu swi twanga xana, wena Senakeribi, leswaku mina HOSI ndzi lulamisile timhaka leti ka ha ri khale, ni ku ti boha ku sukela eminkarhini leyi hundzeke, xana? Kutani sweswi makungu ya mina ma karhi ma humelela, swi nga leswi u swi endleke loko u herisa miti ya makhokholo, yi hundzuka marhumbi.

Eklesiasta 3:14

Ndza swi tiva leswaku mintirho yihi kumbe yihi ya Xikwembu yi tiyile minkarhi hinkwayo: U nge engeteli nchumu eka yona, u nge hunguti nchumu eka yona. Xikwembu xi tirhise sweswo leswaku vanhu va ta xi chava.