Pisalema 33:10 - BIBELE Mahungu Lamanene

¹⁰ HOSI Xikwembu xi pfilunganya makungu ya vamatiko, xi va sivela ku ya emahlweni na wona.

Xitsonga (Bibele)

¹⁰ Yehovha u onha makungu ya vamatiko; Wa endla mianakanyo ya matiko swahava.

Pisalema 33:10 Referans Kwoze

Pisalema 21:11

Vanhu va nga hlengeletana endhawini yin'we va boha makungu ya ku lwa na wena, kambe va nga ka va nga humeleli,

Esaya 44:25

Ndzi kaneta vangoma ni mahlori ya vona, lava hlahluvaka, ndzi va hundzula swihlekiso, ndzi bakanya tintlhari, ndzi komba leswaku vutivi bya tona a byi pfuni nchumu.

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

2 SAMIELE 15:31

Hosi Davhida a twa leswaku Ahitofele ú le xikarhi ka ntlawa wa Abixalomu lowu hlungaka vuhosi, kutani a khongela HOSI Xikwembu, a ku: “We HOSI, endla leswaku switsundzuxo leswi nga ta huma eka Ahitofele, swi hundzuka swa hava.”

Pisalema 140:8

U nga pfumeli leswaku lavo homboloka va kuma leswi va swi navelaka; va nga tshuki va humelela emakungwini ya vona, hikuva va nga tshuka va tikukumuxa!

Pisalema 9:15

Vamatiko va hojomerile ekheleni leri va ri celeke; ntlhamu lowu a va wu rhiyile, wu tlhele wu phasa milenge ya vona.

2 SAMIELE 17:23

Loko Ahitofele a vonile leswaku switsundzuxo swa yena a swi amukeriwanga, a bohelela xitshamu embhongolweni a gada, a ya ekaya karikwavo; a fika a lulamisa swa ndyangu wa yena hinkwaswo, kutani a tihinga, a fa; va ya n'wi lahla emasirheni ya vatata wa yena.

Esaya 19:3

Vaegipta va ta helela hi vutlhari bya vona, makungu ya vona ndzi ta ma pfilunganya, va ta ya vutisa timhaka eka swifaniso swa swikwembu ni le ka vanyamusoro, eka lava nga ni swikwembu, ni le ka swingomantanda.

Esaya 44:23

N'wina matilo, yimbelelani, hikuva loyi a tirheke swilo leswi i HOSI Xikwembu; n'wina tindhawu leti nga marhumbyini ya misava, banani minkulungwana; sumani tinsimu mi yimbelela, n'wina tintshava, na n'wina swihlahla, yimbelelani ni mirhi ya n'wina hinkwayo, hikuva HOSI Xikwembu xi kutsurile va ka Yakobo, kutani xi ta dzunisiwa etikweni ra Israele.

2 SAMIELE 17:14

Kutani Abixalomu ni vavanuna va Israele hinkwavo va ku: “Switsundzuxo swa Huxayi swi twala ku tlula swa Ahitofele.” Mhaka hi leswaku HOSI Xikwembu a xi bohile leswaku switsundzuxo leswi twalaka swa Ahitofele, swi kanetiwa, xi ta kota ku vangela Abixalomu ekhombo.

2 SAMIELE 15:34

Kasi loko u tlhelela eYerusalema, u ta kota ku ndzi pfuna hi ku kaneta switsundzuxo swa Ahitofele; famba u ya vulavula na Abixalomu u ku: ‘We hosi, ndzi ta va nandza wa wena; khale a ndzi tirhela tata wa wena, kutani sweswi ndzi ta tirhela wena!’

Genesa 11:8

Kutani HOSI Xikwembu xi va hangalasa va suka emutini lowu, va ya emisaveni hinkwayo, va tshika ku aka muti.

2 TIHOSI 6:9

Kambe Elixa a rhumela rito eka hosi ya Israele, leri nge: “Tlhariha, u nga tshuki u hundza hi le xivandleni lexo karhi, hikuva Vasiriya va ya gova kona.”

Nehemiya 4:9

Kutani hi khongela Xikwembu xa hina, hi veka vanhu va rindza vusiku ni nhlekanhi leswaku valala va hina va nga hi hlaseli.

Yeremiya 19:7

Exivandleni xexo, ndzi ta herisa makungu ya vanhu va Yerusalema ni ya va ka Yuda, kutani ndzi va nyiketa eka valala va vona va nga vanhu va tihanyi, leswaku va va dlaya hi matlhari; mintsumbu ya kona ndzi ta yi endla swakudya swa makoti ni swiharhi swa nhova.

Ezekiele 20:32

“Mi pfa mi anakanya leswaku swi nga saseka loko mi fana ni vanhu va matiko man'wana hinkwawo, mi tiendlela swikwembu swa mintsandza ni maribye; kambe tivani leswaku mhaka yo tano yi nge pfuki yi endlekile!

Malakiya 1:4

Va le Edomu va nga vula va ku: ‘Hambileswi miti ya hina yi wisiweke ku sala marhumbi, hi ta tlhela hi yi pfuxa!’ Kambe mina HOSI ya matimba hinkwawo, ndzi vurisa sweswo ndzi ri: Hambiloko va nga pfuxa miti ya vona, mina HOSI ndzi ta yi mbundzumuxa, va ta kala va vuriwa ‘tiko-ro-biha’, kumbe ‘vanhu lava HOSI yi va hlundzukeleke hilaha ku nga heriki’!