Pisalema 32:11 - BIBELE Mahungu Lamanene

¹¹ N'wina hinkwenu lava lulameke, tsakani mi tsakela HOSI, banani minkulungwana, n'wina hinkwenu va timbilu to basa!

Xitsonga (Bibele)

¹¹ Titsakeleni ha Yehovha, mi va mi tsakisisa, n'wina va ku lulama! Yimbelelani hi ku tsaka, n'wina hinkwenu va timbilu to lulama!

Pisalema 32:11 Referans Kwoze

Pisalema 64:10

Lavo lulama a va titsakele eka HOSI Xikwembu, va tumbela eka xona; hinkwavo lava lulameke a va xi dzunise.

Vafilipiya 4:4

Titsakeleni eHosini masiku hinkwawo; ndzi tlhela ndzi vurisa sweswo, ndzi ri: Titsakeleni!

Pisalema 97:12

Titsakeleni eHosini n'wina lavo lulama, mi twarisa vito ra yona lero hlawuleka.

Pisalema 97:1

HOSI Xikwembu xa fuma, yimbelela we misava, na n'wina matiko ya le kule, tsakani!

Pisalema 5:11

Kambe hinkwavo lava tumbelaka eka wena va ta tsaka, va ba minkulungwana hilaha ku nga heriki; wena u ta va biyelela leswaku lava ku rhandzaka va kuma ntsako lowukulu eka wena.

Pisalema 68:3

Kambe lavo lulama va tsaka hi ntsako lowukulu, va cina emahlweni ka wena!

Pisalema 33:1

Yimbelelani mi twarisa HOSI, n'wina lava lulameke, n'wina mi yingisaka HOSI, swa mi fanela ku yi dzunisa!

Duteronoma 12:12

Kutani mi ta titsakela emahlweni ka HOSI Xikwembu xa n'wina, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava nga ta tshama emitini ya n'wina, hikuva vona va ta va va nga ri na nsimu kumbe ndzhaka exikarhi ka n'wina.

Vafilipiya 3:3

Hikuva hi hina hi nga ngoma ya xiviri, hina hi gandzelaka Xikwembu hi Moya wa xona, hina hi tidzunisaka ha Kriste Yesu, hi nga vekiki ku tshemba ka hina eka leswi endliwaka hi vanhu ntsena.

Vafilipiya 3:1

Kutani sweswi vamakwerhu, titsakeleni eHosini. A swi ndzi karhati ku engeta ndzi mi tsalela swo fana, naswona swi pfuna ku mi tiyisa.

Varhoma 5:11

Ku nga ri sweswo ntsena, kambe ha tidzunisa eka Xikwembu ha Hosi ya hina Yesu Kriste, loyi sweswi hi amukeleke ku vuyelelana loku ha yena.

Zakariya 4:7

“We nhulu leyikulu ya maribye, wo va yini? Emahlweni ka Zerubabele, u ta hundzuka rivala, kutani yena ú ta humesa ribye ra yinhla, ntshungu wu ri karhi wu huwelela wu ku: ‘Ribye leri a ri katekisiwe, a ri katekisiwe!’ ”

Pisalema 125:4

We HOSI, katekisa vanhu lavo lulama, lava navelaka hi mbilu hinkwayo ku endla leswinene.

Pisalema 32:2

Munhu loyi HOSI Xikwembu xi nga n'wi voniki nandzu, loyi mbilu ya yena yi nga riki na vukanganyisi, ú katekile ngopfu!

Pisalema 7:10

Xitlhangu xa mina xi le ka Xikwembu, mulweri wa lava timbilu leti tengeke.

1 SAMIELE 2:1

Kutani Hana a khongela a ku: “Mbilu ya mina yi kumile ku tsaka eka HOSI, matimba ya mina ma pfuxiwile hi Xikwembu xanga. Nomo wa mina wu sandza valala va mina, ndzi tsakile hikuva HOSI yi ndzi ponisile.

Pisalema 98:4

N'wina vaaki hinkwavo va misava huwelelani mi dzunisa HOSI, sumani tinsimu mi yimbelela mi ri karhi mi ba minkulungwana;