Pisalema 31:11 - BIBELE Mahungu Lamanene

¹¹ Valala va mina hinkwavo va ndzi sandza, ngopfu-ngopfu lava ndzi akelaneke na vona; lava va ndzi tivaka, va ndzi chava, ni loko hi hlangana endleleni, va ndzi papalata.

Xitsonga (Bibele)

¹¹ Ndzi xisandzu hikwalaho ka valala va mina hinkwavo; Xisandzu lexikulu eka lava akeke na mina; Lava ndzi vonaka ehandle va tsutsumela ekule na mina.

Pisalema 31:11 Referans Kwoze

Pisalema 38:11

Vanghana va mina, vona lava ndzi va rhandzaka, va ndzi tshikile ekhombyeni, va ka hina na vona va ndzi fularhela.

Pisalema 88:8

U ndzi hambanisile ni tintangha ta mina, hikuva u ndzi hundzurile xilo xa manyala eka vona. Ndzi pfaleriwile laha ndzi tsandzekaka ku baleka.

Matewu 26:56

Hambiswiritano, swilo leswi hinkwaswo swi humelerile leswaku ku hetiseka leswi tsariweke hi vaprofeta.” Hiloko vadyondzisiwa hinkwavo va n'wi siya, va tsutsuma.

Pisalema 88:18

U ndzi hambanisile ni vanghana kumbe vaakelani va mina, kutani sweswi ntangha ya mina i xivandla xa vafi!

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Pisalema 64:8

Va ta tiphasa hi ku vulavula ka vona, kutani vanhu lava va nga ta va vona, va ta hlakahla tinhloko;

1 Petro 4:14

Loko mi soriwa hikwalaho ka vito ra Kriste, mi katekile, hikuva Moya lowu kwetsimaka, lowu nga wa Xikwembu, wu le ka n'wina.

Vaheveru 13:13

Hikokwalaho, a hi humeni hi ya le ka yena ehandle ka nxaxa, hi rhwele ku rhuketeriwa ka yena.

Vaheveru 11:36

Van'wana va xanisiwile hi ku hlekuriwa ni ku biwa, hambi ku ri ku bohiwa hi tinketani, va hoxiwa ekhotsweni.

2 Timotiya 4:16

Eku sunguleni ka ku tihlamulela ka mina ehubyeni, ku pfumalekile ni un'we wo yima na mina; hinkwavo va ndzi balekerile. Ingi va nga vekiwi nandzu eka swona.

Varhoma 15:3

Hikuva hambi a ri Kriste, a nga titsakisanga, kambe, hilaha ku tsariweke ha kona: “Ku sandza ka lava ku sandzaka ku ndzi wele henhla.”

Marka 14:50

Kavaloko vadyondzisiwa hinkwavo va n'wi tshika, va tsutsuma.

Matewu 26:74

Hiloko a sungula ku hlambanya hi matimba a ku: “Ndzi tiyisile leswaku munhu loyi, mina a ndzi n'wi tivi!” Hi nomu lo, nkuku wu ringa.

Mikiya 7:6

N'wana wa xinuna ú rhuketela tata wa yena, n'wana wa xisati ú lwa na mana wa yena, hlomisa ri lwa na n'wingi wa rona, valala va munhu i va ka vona.

Yeremiya 12:6

Ndzi vula hikuva lava va ku kanganyisaka i vamakwenu, i vanhu va ka n'wina, hi vona va ku salaka endzhaku. Hambiloko va ku tsakisa hi marito, u nga tshuki u va tshemba!”

Pisalema 22:6

Kambe mina a ndzi munhu wa nchumu, ndzo va xivungu; vanhu va ndzi monya, va ndzi langutela hansi.