Pisalema 30:6 - BIBELE Mahungu Lamanene

⁶ Loko ndza ha titwa ndzi tiyile, a ndzi ku ndzi nge khuguriwi ndzi wa ni siku ni rin'we.

Xitsonga (Bibele)

⁶ Eku tiphineni ka mina, a ndzi ku: “Ndzi nga ka ndzi nga tsekatseki, ni siku ni rin'we?”

Pisalema 30:6 Referans Kwoze

Pisalema 119:117

Ndzi tiyise, leswaku ndzi ta pona, ndzi tikarhatela milawu ya wena minkarhi hinkwayo.

2 Vakorinto 12:7

Kutani ku endlela leswaku ndzi nga tikurisi ngopfu hikwalaho ka ku saseka lokukulu ka leswi Xikwembu xi nga swi hlavutela eka mina, ndzi nghenisiwile riphantsu enyameni, yi nga ntsumi ya Sathana, leswaku yi ndzi himetela.

Luka 12:19

kutani ndzi ta tibyela ndzi ku: Munhu wo kateka, u ni swilo leswo tala, leswi hlengeleteriweke malembe layo tala; wisa, u dya, u nwa, u tsaka.’

Pisalema 16:8

Minkarhi hinkwayo, ndzi rhangisa HOSI emahlweni ka mina; ndzi nga ka ndzi nga tsekatseki, hikuva yi le vokweni ra mina ra xinene.

Daniele 4:30

Kutani a ku: “Muti lowukulu lowu wa Babilona, ndzi wu akile hi matimba ya mina ntsena, leswaku wu va ntsindza wa mina, wu dzunisa vukulukumba bya mina!”

Esaya 56:12

Va byelana va ku: “A hi yeni hi ya lava vhinyo, a hi nweni byalwa, hi xurha! Siku ra mundzuku ri ta fana ni lera namuntlha ri va lerinene ngopfu.”

Esaya 47:7

U tikurisile, u ku: ‘Ndzi ta va nkosikazi hilaha ku nga heriki!’ u rivala leswaku eku heteleleni, swiendlo swa wena swi ta ku vangela khombo.

Pisalema 15:5

A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.

Pisalema 10:6

Hi mbilu, ú ri: “A ku na lexi xi nga ta ndzi wisa; khombo ri nga ka ri nga ndzi weli, ni siku ni rin'we.”

Pisalema 126:6

Loyi a fambaka a ri eku rileni a rhwele mbewu yo ya byala, ú ta vuya a ri karhi a ba nkulungwana a rhwele ntshovelo wa yena.

Esaya 54:7

Ndzi hambanile na wena nkarhinyana, kambe ndzi ta tlhela ndzi ku vuyisa, hikuva tintswalo ta mina i tikulu.