Pisalema 30:12 - BIBELE Mahungu Lamanene

¹² Hikokwalaho, ndzi ta ku dzunisa hi mbilu ya mina hinkwayo, ndzi nga ka ndzi nga miyeli; We HOSI, Xikwembu xanga, ndzi ta ku tlangela hilaha ku nga heriki.

Xitsonga (Bibele)

¹² Leswaku mbilu ya mina yi ku yimbelela yi nga miyeli. Yehovha, Xikwembu xa mina, ndzi ta ku dzunisa hi masiku.

Pisalema 30:12 Referans Kwoze

Pisalema 145:2

Siku rin'wana ni rin'wana ndzi ta ku nkhensa, ndzi dzunisa vito ra wena hilaha ku nga heriki.

Pisalema 44:8

We Xikwembu, minkarhi hinkwayo hi ta tinyungubyisa hi wena; vito ra wena hi ta ri twarisa hilaha ku nga heriki.

Pisalema 16:9

Hikokwalaho, mbilu ya mina yi tsakile, nomo wa mina wu ba nkulungwana, na wona miri wa mina wu titwa wu hlayisekile.

Luka 19:40

A va hlamula a ku: “Ndza mi byela leswaku, loko vona va miyela, maribye ma ta huwelela.”

Timhaka 4:20

Loko hi ri hina, hi nga ka hi nga koti ku tshika ku vula leswi hi swi voneke ni leswi hi swi tweke.”

Pisalema 71:23

Loko ndzi ri karhi ndzi ku tlangela, ndzi ta ba nkulungwana hi mhaka ya leswi u ndzi kutsuleke.

Pisalema 71:14

Kambe mina a ndzi nga tshiki ku ku tshemba, ndza ha ta ya emahlweni ndzi ku dzunisa.

Pisalema 57:8

Pfuka wena moya wanga, we haripa na we xitende, pfukani! Vurhonga ndzi ta byi pfuxa.

Pisalema 13:6

Ndzi ta yimbelela ndzi dzunisa HOSI, hikuva yi ndzi endlerile leswinene.

Nhlavutelo 7:12

ti ku: “Amen! Ku vongiwa, ni ku twala, ni vutlhari, ni ku nkhensiwa, ni ku dzuneka, ni matimba, ni ntamu, a swi ve eka Xikwembu xa hina, hilaha ku nga heriki! Amen.”

Genesa 49:6

Wena moya wanga, u nga ngheni eswikungwini swa vona, na wena mbilu ya nga, hambana na vona, hikuva loko va karihile, va heta vanhu, va hungasa hi ku lamata swifuwo.

Estere 8:16

Vayuda a va vangama tinghohe, va yimbelela va tsakile, va titwa va ri vanhu.

Estere 9:22

ma ri masiku lawa Vayuda va nga tilamulela eka valala va vona ha wona; va tsundzuka ni n'hweti leyi, yi ri leyi mahlomulo ni swirilo swa vona swi hundzukeke ntsako ni ku wisa ha yona; va lerisiwa ku teka masiku lawa ma va ya nkhuvo ni ku tsaka, ni ya ku rhumelana tinyiko to hlawuleka, ni ku rhumela swisiwana tinyiko.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.