Pisalema 28:5 - BIBELE Mahungu Lamanene

⁵ Vanhu lava, u ta va ba va wela hansi va nga ha pfuki, hikuva a va na mhaka ni leswi u swi endlaka we HOSI, kumbe leswi u swi vumbeke hi mavoko ya wena.

Xitsonga (Bibele)

⁵ Hikuva a va anakanyi mitirho ya Yehovha, Hambi wu ri ntirho wa mavoko ya yena. U ta va wisa ehansi, a nga ka a nga va akisi.

Pisalema 28:5 Referans Kwoze

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Varhoma 1:28

Kutani leswi vanhu lava va nga lavangiki ku tiva nchumu hi tlhelo ra Xikwembu, Xikwembu xi va nyiketile emiehleketweni leyi nga lavekiki, va ko va endla ni leswi nga fanelangiki.

Yohane 12:37

Hambileswi a endleke mahlori layo tala ngopfu emahlweni ka vona, a va pfumelanga eka yena,

Pisalema 10:5

Leswi a swi endlaka swi tshama swi ri karhi swi nyuka; ku avanyisa ka wena HOSI, ku le henhla ngopfu, laha yena a nga ku voniki; valala va yena wa va nyefula.

2 SAMIELE 7:13

Hi yena loyi a nga ta ndzi akela yindlu yo dzunisa vito ra mina, kutani ndzi ta tiyisa mfumo wa yena hilaha ku nga heriki.

Varhoma 1:20

Hikuva hi mpfhuka misava yi tumbuluka, leswi nga vonakiki swa Xikwembu, ma nga matimba ya xona lama nga heriki ni vukwembu bya xona, swa vonaka swinene loko ku anakanyiwa mintirho ya xona; hikokwalaho, va hava xo tilandzula ha xona.

Hosiya 14:9

Lava tlhariheke, a va twisise swilo leswi; lava swi twisisaka, a va swi hlayise etimbilwini ta vona. Tindlela ta HOSI i tinene, lava lulameke va famba eka tona, kasi vadyohi va khuguka va wa.

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Esaya 45:18

HOSI Xikwembu xi tumbuluxile matilo, hi xona xi nga Xikwembu hakunene! Xi vumbile ni misava, xi yi endla yi ri leyi tiyeke, leyi vanhu va kotaka ku tshama eka yona: A xi yi vumbelanga ku va leyi nga pfuniki nchumu. Kutani xi vurisa sweswo xi ri: “Hi mina HOSI Xikwembu, ku hava un'wana!

Esaya 45:12

Hi mina ndzi endleke misava, ndzi tumbuluxa ni vanhu lava tshamaka eka yona, matilo ndzi ma vambile hi mavoko ya mina, hambi swi ri leswi nga tilweni, swi lawuriwa hi mina hinkwaswo.

Esaya 45:8

“N'wina matilo, nisani mberha ya leswo lulama, mapapa a ma swi chululele ehansi. Wena misava, pfuleka leswaku ku ta huma leswi ponisaka, ni leswo lulama swi ta mila eka wena; swilo leswi swi endliwile hi mina HOSI.”

Esaya 40:26

Pfulani mahlo mi languta ehenhla: Xana i mani loyi a tumbuluxeke leswi mi swi vonaka xana? Swi tumbuluxiwile hi loyi a swi hlengeletaka tanihi mavuthu, ú tiva xin'wana ni xin'wana hi vito ra xona; ú ni ntamu ni matimba layo hlamarisa, kutani a ku na xin'we xa swona lexi nga tshukaka xi lahlekile.

Esaya 22:11

Exikarhi ka makhumbi mambirhi ya rirhangu, mi cerile khele ro hlayisa mati lama humaka eka Xihlovo-xa-Khale. Kambe a mi vulanga nchumu hi Xikwembu lexi endleke leswaku swilo leswi hinkwaswo swi va kona; a mi tsundzukanga leswaku makungu ya kona xi ma endlile khale.

Pisalema 104:24

We HOSI Xikwembu, mintirho ya wena a hi ku tala ka yona, hinkwayo u yi endlile hi vutlhari, misava yi tele hi leswi u swi vumbeke.

1 TIHOSI 11:38

Tlhandlakambirhi, loko u yingisa hinkwaswo leswi ndzi ku lerisaka swona, ni loko u hanya etindleleni ta mina, u endla leswi lulameke emahlweni ka mina hi ku hlayisa milawu ya mina ni swileriso swa mina, tanihi Davhida nandza wa mina, ndzi ta va na wena; ndzi ta ku sungulela yindlu ya vuhosi leyi tiyeke, tanihileswi ndzi nga sungulela Davhida, kutani ndzi ta ku nyika tiko ra Israele.

2 SAMIELE 7:27

We HOSI ya matimba hinkwawo, Xikwembu xa Israele, ndzi kumile matimba ya ku fikisa xikhongelo lexi xa mina eka wena, hikuva u ndzi hlavuterile makungu ya wena, mina nandza wa wena, u ku: ‘Ndzi ta ku akela yindlu!’

Tinhlayo 23:23

“A ku na vuloyi lebyi nga tirhaka erixakeni ra Yakobo, ni vungoma byi nge ri endli nchumu rixaka ra Israele. Sweswi vanhu va ta vulavula hi va ka Yakobo, ri nga rona rixaka ra Israele, va ku: ‘Vonani leswi Xikwembu xi swi endleke!’

Pisalema 8:3

Loko ndzi hlalela matilo lawa tintiho ta wena ti ma vumbeke, ni n'weti, ni tinyeleti leti u ti vekeke evutshan'wini bya tona,