Pisalema 28:2 - BIBELE Mahungu Lamanene

² Ndzi yingise loko ndzi ku khongela, loko ndzi huwelela eka wena ndzi kombela ku pfuniwa, ni loko ndzi tlakusa mavoko ya mina ndzi ma kongomisa exivandleni xa wena lexo hlawuleka ngopfu.

Xitsonga (Bibele)

² Yingisa rito ra mikhongelo ya mina loko ndzi huwelela eka wena, Ni loko ndzi tlakusa mavoko ya mina evukwetsimelweni bya wena.

Pisalema 28:2 Referans Kwoze

Pisalema 138:2

Ndzi nkhinsama emahlweni ka Tempele ya wena leyo hlawuleka, ndzi ri karhi ndzi tlangela vito ra wena, hikuva u ni rirhandzu, wa tshembeka; leswi u swi tirheke swi tlula hinkwaswo leswi a hi swi languterile eka wena.

Pisalema 141:2

Xikhongelo xa mina a xi fane ni mirhi ya risuna leyi hisiwaka emahlweni ka wena. Loko ndzi khongela ndzi tlakusile mavoko, a swi fane ni magandzelo lama humesiwaka nimadyambu.

1 Timotiya 2:8

Hikokwalaho, ndzi navela leswaku, etindhawini hinkwato, vavanuna va khongela va tlakusile mavoko lama tengeke, ku ri hava ku kariha kumbe madzolonga.

Pisalema 140:6

We HOSI, ndzi vulavula na wena ndzi ri: U Xikwembu xa mina, rhiya ndleve u yingisa xirilo xa mina.

Pisalema 134:2

Tlakusani mavoko ya n'wina ma langutana ni xivandla lexo hlawuleka, mi ri karhi mi tlangela HOSI.

Pisalema 5:7

Kasi mina ndzi ta nghena endlwini ya wena, hikwalaho ka tintswalo ta wena leto tala; ndzi ta nkhinsama emahlweni ka Tempele ya wena leyo hlawuleka; ndzi ku khongela hi xichavo.

Daniele 6:10

Kambe loko Daniele a twa leswaku nawu wolowo wu funghiwile, a muka a ya nghena endlwini ya yena ya le henhla, leyi mafasitere ya yona a ma pfulekele etlhelo ra le Yerusalema; kutani a nkhinsama a khongela, a tlangela Xikwembu xa yena kanharhu hi siku, kukota leswi a a endlisa swona eminkarhini leyi hundzeke.

Swirilo 2:19

Pfuka u tlhava mukhosi, u rila vusiku hinkwabyo. Paluxa hinkwaswo leswi nga mbilwini ya wena, u swi humesela erivaleni emahlweni ka N'wini wa hinkwaswo; tlakusela mavoko ya wena eka yena, u khongelela vana va wena, lava faka hi ndlala emahandzeni ya magondzo hinkwawo.

Pisalema 143:6

Ndza ku khongela ndzi tlakusile mavoko, ndzi langutela ku pfuniwa hi wena ku fana ni misava leyi omeke leyi langutelaka mpfula.

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!

Pisalema 63:4

Ndzi ta ku tlangela vutomi bya mina hinkwabyo; ndzi ta ku khongela ndzi tlakusile mavoko.

2 TIKRONIKA 6:13

A a endlile xikhandziyo xa koporo lexi anameke 3,50 m, xi lehile 1,50 m ku ya henhla, kutani a xi veka exivaveni xa Tempele. Solomoni a rhanga a ya yima ehenhla ka xikhandziyo xexo, kutani a nkhinsama hi matsolo, ntshungu hinkwawo wa Vaisraele wu ri karhi wu n'wi vona, kutani a tlakusela mavoko ya yena ehenhla,

1 TIHOSI 8:38

Eminkarhini leyo tano, xikhongelo xihi ni xihi kumbe xikombelo xihi ni xihi, xa munhu a ri un'we kumbe xa Vaisraele hinkwavo vanhu va wena, xi yingise we HOSI! Loko vakhongeri lava va titwa va ri ekhombyeni, ni loko va tlakusela mavoko ya vona ehenhla, va khongela va ri karhi va languta Tempele leyi,

1 TIHOSI 6:19

Xivandla lexo hlawuleka xa le mpfungwe, endzeni swinene ka Tempele, Solomoni a xi lunghisela ku veka Areka ya Ntwanano wa HOSI Xikwembu eka xona.

1 TIHOSI 6:5

Kutani a yimisa muako wa swithezi lowu khomanaka ni khumbi ra Tempele, wu rhendzela khumbi ra le handle ka xivandla lexo hlawuleka ni ra xivandla lexo hlawuleka xa le mpfungwe, a aka eka wona makamari yo rhendzela Tempele.

Pisalema 130:2

Rhiya ndleve u amukela xirilo xa mina, loko ndzi kombela ku pfuniwa!

Pisalema 141:1

We HOSI, ndzi huwelela eka wena, hatlisa u ta eka mina, rhiya ndleve u yingisa loko ndzi ku vitana.

Daniele 6:11

Hiloko vavanuna lava va twanana ku ya eka Daniele, va fika va n'wi kuma a ri eku khongeleni, a vulavula na Xikwembu xa yena.