Pisalema 27:6 - BIBELE Mahungu Lamanene

⁶ Hikokwalaho, ndzi ta hlula valala va mina lava va ndzi rhendzeleke matlhelo hinkwawo; ndzi ta humesa magandzelo endlwini ya HOSI ndzi ri karhi ndzi ba nkulungwana; ndzi ta yimbelela ndzi dzunisa HOSI.

Xitsonga (Bibele)

⁶ Sweswi, nhloko ya mina yi ta ungamela valala lava ndzi rhendzeleke; Kambe ndzi ta humesa magandzelo va ku tsaka eTabernakeleni ya yena, Ndzi ta yimbelela, ndzi va ndzi twarisa Yehovha.

Pisalema 27:6 Referans Kwoze

Pisalema 3:3

Kambe we HOSI, u xitlhangu xa mina matlhelo hinkwawo, ndzi tidzunisa hi wena, hi wena u ndzi nyikaka xiyimo.

Vaheveru 13:15

Loko swi ri tano, a hi humeseni magandzelo masiku hinkwawo ha yena Yesu, hi dzunisa Xikwembu ha wona, hi ri karhi hi vonga vito ra xona hi marito lama humaka emilon'weni ya hina.

Pisalema 107:22

A va xi tlangele hi ku humesa magandzelo, va twarisa swiendlo swa xona hi minkulungwana.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

2 SAMIELE 22:49

We Xikwembu, wa ndzi ntshunxa emavokweni ya valala va mina; u ndzi pfuna ku hlula lava lwaka na mina, u ndzi lamulela eka vanhu va tihanyi.

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Zakariya 9:9

Tsakani mi tsakisisa, n'wina vaaki va Siyoni, banani minkulungwana, n'wina va le Yerusalema! Vonani, mufumi wa n'wina hi luyaa, ú ta kwala ka n'wina; i munhu wo lulama, loyi a hluleke valala, kambe wa titsongahata, ú ta a gadile mbhongolo, xi nga ximbhongolwana n'wana wa mbhongolo.

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Nhlavutelo 5:9

Va yimbelela risimu lerintshwa va ku: “U lulameriwile hi ku teka buku ni ku lemula swilemo swa yona, hikuva u dlayiwile, kutani hi rifu ra wena, u xavile vanhu u va xavela Xikwembu, va huma etinxakeni hinkwato, va ri va tindzimi hinkwato, ni va swivongo hinkwaswo, ni va matiko hinkwawo.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Pisalema 95:1

Tanani hi ta dzunisa HOSI Xikwembu hi minkulungwana, hi twarisa loyi a nga ribye ra hina ni muponisi wa hina.

2 SAMIELE 7:9

Hinkwako lomu u yeke kona, ndzi vile na wena; ndzi herisile valala va wena matlhelo hinkwawo. Kutani sweswi, ndzi ta kurisa vito ra wena, ndzi ku endla un'wana wa vanhu lava dumeke emisaveni.

Yeremiya 31:7

HOSI Xikwembu xi vurisa sweswo xi ri: “Yimbelelani mi ba ni minkulungwana, mi tsakela Yakobo, yena murhangeri wa vamatiko. Ndzi dzuniseni swinene, mi ku: ‘HOSI Xikwembu xi ponisile vanhu va xona, wona masalela ya Vaisraele.’

Pisalema 138:5

A va dzunise matirhele ya wena hi risimu leri nge: “Ku dzuneka ka HOSI Xikwembu ku kurile ngopfu!

Pisalema 110:7

Loko murhangeri wa tiko ra ka hina a ri endleleni, ú timula torha enambyeni, kutani a ololoka a ya hlula valala.

Pisalema 81:1

Yimbelelani mi dzunisa Xikwembu lexi xi hi nyikaka matimba, banani minkulungwana mi tlangela Xikwembu xa va ka Yakobo.

Pisalema 47:1

N'wina hinkwenu vamatiko, phokotelani! Banani nkulungwana mi twarisa Xikwembu,

Pisalema 21:13

We Hosi komba matimba ya wena, leswaku hi ta yimbelela, hi tlangela vunhenha bya wena.

Pisalema 21:1

Mufumi wa tiko ú tsakisiwa hi matimba ya wena we HOSI, ú tsake ngopfu, hikuva u n'wi pfunile ku hlula valala va yena.

1 TIKRONIKA 22:18

“Xana HOSI Xikwembu xa n'wina a xi yimi na n'wina ke? A xi mi nyikanga ku rhula hi matlhelo hinkwawo xana? Vanhu lava khale a va akile etikweni leri, xi va nyiketile emavokweni ya mina; kutani va le hansi ka HOSI Xikwembu ni vanhu va xona.

2 TIHOSI 25:27

Hi lembe leri Evhili-Merodaka hosi ya le Babilona a sunguleke ku fuma ha rona, a komba tintswalo eka Yoyakini hosi ya Yuda, a n'wi humesa ekhotsweni; a ri ri lembe ra 37 ra ku yisiwa ka Yoyakini hosi ya Yuda evukhumbini, hi siku ra 27 ra n'hweti ya vu-12.

2 SAMIELE 22:1

Siku Davhida a ponisiweke hi HOSI Xikwembu eka valala va yena hinkwavo ni le mavokweni ya Sawulo, ú xi dzunisile hi risimu leri nge:

Genesa 40:13

Loko ku nga si hundza masiku manharhu, hosi Faro ú ta ku humesa ekhotsweni, a ku tlherisela entirhweni wa wena, kutani u ta hamba u nyika hosi Faro xinwelo xa yena, ku fana ni khale loko wa ha ri mucheri wa vhinyo ya yena.

Genesa 40:20

Hi siku ra vunharhu, ri nga siku leri hosi Faro a a tsundzuka ku velekiwa ka yena, a endlela malandza ya yena hinkwawo enkhuvo lowukulu. Kutani a humesa ndhuna ya vacheri va vhinyo ni ndhuna ya vaphameri va xinkwa ekhotsweni, a va tisa emahlweni ka malandza laman'wana.

Pisalema 3:4

Ndzi tlakusa rito ndzi huwelela eka HOSI, kutani yi ndzi hlamula yi ri entshaveni ya yona leyo hlawuleka.

Pisalema 57:8

Pfuka wena moya wanga, we haripa na we xitende, pfukani! Vurhonga ndzi ta byi pfuxa.

Pisalema 119:108

We HOSI, amukela xikhongelo xa mina xa ku nkhensa, kutani u ndzi dyondzisa leswi u swi boheke.