Pisalema 27:5 - BIBELE Mahungu Lamanene

⁵ Esikwini ra khombo, HOSI yi ta ndzi tumbeta entsongeni wa yona, yi ta ndzi fihla endzeni ka yindlu ya yona; yi ndzi veka ehenhla ka ribye lerikulu.

Xitsonga (Bibele)

⁵ Hikuva u ta ndzi fihla entsongeni wa yena hi siku ra khombo, U ta ndzi tumbeta exichavelweni xa Tabernakela ya yena, Kutani a ndzi khandziyisa ehenhla ka ribye lero tiya.

Pisalema 27:5 Referans Kwoze

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Pisalema 31:20

U va sirhelela laha u nga kona, kule ni lava bohaka makungu layo biha; u va sirhelela entsongeni wa wena, kule ni lava va va rhuketelaka.

Pisalema 138:7

Loko ndzi tikuma ndzi rhendzeriwe hi maxangu, wa ndzi biyelela we HOSI; ni loko valala va ndzi karihela, voko ra wena ra ndzi sirhelela ri ndzi lamulela.

Pisalema 91:1

Munhu loyi a sirheleriwaka hi HOSI Xikwembu xa le henhla-henhla, loyi a wisaka endzhutini wa Xikwembu lexi nga ni matimba hinkwawo,

Pisalema 119:114

Wena HOSI, u xisirhelelo ni xitlhangu xanga, ndzi tshemba rito ra wena.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Pisalema 40:2

Xi ndzi humesile ekheleni leri chavisaka, endzhopeni leyi dlayaka; xi ndzi yimisile ehenhla ka ribye, xi ndzi basisela tindlela.

Vakolosa 3:3

Hikuva mi file, kutani vutomi bya n'wina byi tumbetiwile na Kriste eka Xikwembu.

Pisalema 17:8

Ndzi hlayise tanihi ndzololo ya tihlo ra wena, ndzi tumbete endzhutini wa timpapa ta wena,

Pisalema 46:1

Xikwembu i khokholo ra hina leri tiyeke; vanhu lava nga khombyeni, xi hatla xi va pfuna.

Esaya 26:20

N'we vanhu va ka hina, nghenani tindlwini, mi tipfalela kona, mi tumbela kona nkarhinyana, ku kondza vukari bya HOSI Xikwembu byi rhelela.

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Esaya 32:2

Varhangeri lava hinkwavo va ta fana ni xivava xo sivela moya, ni ndhawu yo tumbela ka yona sikwini ra xidzedze; va ta fana ni swinambyana swa mati endhawini leyi omeke, ni ndzhuti wa ribye lerikulu etikweni ra mumu.

Pisalema 61:2

Ndza ku vitana ndzi ri emakun'wini ya misava, hikuva mbilu ya mina yi herile ntamu. Ndzi fikise ekhokholweni leri ndzi nga ta hlayiseka eka rona,

Pisalema 18:33

Xi vevukisa milenge ya mina ku fana ni ya timhunti, xi ndzi tiyisa eka xiyimo xa mina xa le henhla.

Pisalema 83:3

Va luka mano yo lwa ni vanhu va wena, va endla makungu yo hlasela lava khale a wu va sirhelela.

Pisalema 77:2

Enkarhini wa khombo, ndzi lava N'wini wa hinkwaswo, ndzi tshambuluta mavoko ndzi n'wi khongela ndzi nga karhali, kambe moya wa mina a wu chaveleleki.

Esaya 26:16

We HOSI, Vaisraele va ku tsundzukile loko va ri eku vavisekeni; loko u va tshinya, va tile va ta rila ka wena.

Pisalema 10:1

We HOSI, u yimele yini ekule xana? Eminkarhini ya mahlomulo, u tifihlela yini xana?

Matewu 23:37

“Yerusalema, Yerusalema, wena la dlayaka vaprofeta, la khandlaka hi maribye lava rhumiweke ka wena, kangani ndzi naverile ku hlengeleta vana va wena, kukotisa huku loko yi hlengeleta swiciwana swa yona ehansi ka timpapa ta yona, kambe a wu swi lavanga.

2 TIKRONIKA 22:12

Yowasi ú tshamile ni va le Tempeleni malembe ya 6, a fihliwa exikarhi ka vona nkarhi hinkwawo wa ku fuma ka Ataliya.

Pisalema 31:21

Ndza ku nkhensa we HOSI: U ndzi kombile rirhandzu ra wena hi ndlela yo hlamarisa, hikuva a ndzi rhendzeriwe hi valala kukota muti lowu hlaseriwaka.

Pisalema 40:3

Enon'weni wa mina xi nghenisile risimu lerintshwa leri dzunisaka xona Xikwembu xa hina; vanhu lavo tala va ta swi vona, kutani va ta chava, va sungula ku tshemba HOSI Xikwembu.

Pisalema 61:3

hikuva hi wena muhlayisi wa mina, u xihondzo xa mina lexi tsandzaka valala.