Pisalema 26:8 - BIBELE Mahungu Lamanene

⁸ We HOSI, yindlu leyi u tshamaka eka yona ndzi yi rhandza ngopfu, yona leyi ku dzuneka ka wena ku tikombaka eka yona.

Xitsonga (Bibele)

⁸ Yehovha, ndzi rhandza vutshamo bya yindlu ya wena, Ni ndhawu laha ku kwetsima ka wena ku nga kona.

Pisalema 26:8 Referans Kwoze

Luka 2:49

Yesu a va hlamula a ku: “A mi ndzi lavela yini? Xana a mi nga swi tivi leswaku ndzi fanele ku va kwala ndlwini ya Tata wa mina xana?”

Luka 2:46

Endzhaku ka masiku manharhu va n'wi kuma eTempeleni, a tshamile exikarhi ka vadyondzisi, a va yingisela, ni ku va vutisa swivutiso;

Esaya 38:22

Kavaloko Hezekiya a ku: “Xana hi swihi leswi nga ta komba leswaku ndzi ta swi kota ku tlhandlukela endlwini ya HOSI Xikwembu xana?”

Esaya 38:20

“HOSI Xikwembu xi ta ndzi hanyisa! A hi chayeni tiharipa, hi xi dzunisa; hi ta hamba hi xi dzunisa endlwini ya xona vutomi bya hina hinkwabyo.”

Pisalema 122:9

Leswi yindlu ya HOSI Xikwembu xa hina yi nga laha ka wena, ndzi ku navelela minkateko.

Pisalema 84:10

Hakunene ku tshama siku rin'we ntsena eTempeleni ya wena, swi tlula ku tshama masiku ya khume ra madzana kun'wana. Ndzi ngo tsakela ku yima kunene enyangweni ya Tempele, we Xikwembu xanga, ku ri na ku tshama ni lava va nga ku khongeriki.

Pisalema 42:4

Loko ndzi ri karhi ndzi phofula swa moya wanga, ndzi tsundzuka swa khale, hilaha a ndzi longoloka hakona ni lavakulu, hi ya endlwini ya Xikwembu, hi ri karhi hi ba minkulungwana ya ntsako ni ku yimbelela tinsimu ta minkhenso hi ri emintshungwini leyi dyaka nkhuvo.

2 TIKRONIKA 5:14

kutani vaprista va tsandzeka ku ya emahlweni ni ntirho wa vona hikwalaho ka papa leri, hikuva ku vonakala ka HOSI Xikwembu a ku tatile yindlu ya xona.

1 TIKRONIKA 29:3

Ehandle ka swilo hinkwaswo leswi ndzi swi hlengeleteke, swo aka ha swona yindlu leyo hlawuleka, mina n'winyi ndzi humesa nyiko ya mina ya nsuku ni silivhere, ndzi humesela yindlu ya Xikwembu xanga hi ku tsaka.

2 SAMIELE 15:25

Kutani hosi Davhida a ku ka Sadoki: “Tlherisela Areka ya Xikwembu emutini. Loko HOSI Xikwembu xi ndzi tsakela, xi ta endla leswaku ndzi vuya ndzi ta yi vona, ndzi vona ni laha yi tshamaka kona.

2 TIKRONIKA 7:1

Loko Solomoni a heta ku khongela, ndzilo wu ta hi le tilweni, wu herisa nyama ya magandzelo lama hisiwaka, ni ya magandzelo ya xinakulobye, kutani ku vonakala ka HOSI Xikwembu ku tata Tempele hinkwayo.

2 TIKRONIKA 7:2

Vaprista a va tsandzeka ku nghena eTempeleni, hikuva a yi tele hi ku vonakala ka HOSI Xikwembu.

Ezekiele 3:12

Kavaloko Moya wu ndzi tlakula, kutani ndzi twa rito lerikulu leri tsekatsekisaka misava, ri twakala endzhaku ka mina ri ku: “A ku nkhensiwe ku dzuneka ka HOSI Xikwembu, laha xi tikombaka kona.”