Pisalema 25:8 - BIBELE Mahungu Lamanene

⁸ HOSI Xikwembu xi tele vunene ni ku lulama, hikokwalaho xi dyondzisaka vadyohi ku famba endleleni leyinene.

Xitsonga (Bibele)

⁸ Yehovha u ni vunene, u lulamile: Hikwalaho a kombisaka vadyohi ndlela;

Pisalema 25:8 Referans Kwoze

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Pisalema 32:8

HOSI Xikwembu xi ri: “Ndzi ta ku dyondzisa, ndzi ku komba ndlela leyi u fanelaka ku famba ha yona; ndzi ta ku letela, ndzi nga ka ndzi nga tshiki ku ku lwela.

Pisalema 92:15

Leswi swi komba ku lulama ka HOSI Xikwembu; hi xona ribye ra mina, ku hava leswo homboloka eka xona.

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Esaya 26:7

We HOSI, munhu wo lulama, u n'wi khulelela ndlela leyinene, budula leri a fambaka ha rona, ri basile.

Pisalema 119:68

We HOSI, u ni vunene, naswona u endla leswinene, ndzi dyondzise milawu ya wena.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

Luka 11:13

Kutani ke, leswi n'wina mi nga vanhu va tihanyi, mi tivaka ku nyika vana va n'wina swilo leswinene, xana Tatana wa le tilweni a nge tlurisi ngopfu ku nyika Moya lowo Kwetsima eka lava kombelaka ka yena xana?”

Mikiya 4:2

Vanhu va tinxaka to tala va ta rhambana va ku: “Tanani hi ya khandziya ntshava ya HOSI, hi kongoma endlwini ya Xikwembu xa Yakobo; xi ta hi dyondzisa leswi xi lavaka swona, kutani hi ta famba endleleni ya xona!” Emutini wa Siyoni, hi kona ku nga ta huma Nawu, Rito ra HOSI ri ta huma eYerusalema.