Pisalema 25:6 - BIBELE Mahungu Lamanene

⁶ We HOSI, u nga rivali ku ndzi komba tintswalo ta wena ni rirhandzu ra wena, hikuva swi vile kona ku sukela ni khale.

Xitsonga (Bibele)

⁶ Oho Yehovha! Anakanya tintswalo ta wena ni nsovo wa wena, Hikuva i swa masiku hinkwawo,

Pisalema 25:6 Referans Kwoze

Vakolosa 3:12

Hikokwalaho, leswi mi nga vitaniwa hi Xikwembu ku va vahlawuriwa va xona lava rhandziwaka, ambalani moya wa tintswalo, ni vunene, ni ku titsongahata, ni ku rhula, ni ku leha mbilu.

Pisalema 103:17

Kasi rirhandzu ra HOSI Xikwembu rona a ri ri kona na khale, ra ha ta va kona hilaha ku nga heriki. Xikwembu xi lwela lava va xi chavaka, xi tshembeka ku ya fika eka vatukulu va vona hinkwavo,

Luka 1:50

ni tintswalo ta yena i ta minkarhi ni minkarhi eka lava n'wi chavaka.

Luka 1:78

Swi ta endleka hi tintswalo ta Xikwembu xa hina, lexi xi hi twelaka vusiwana, hikuva hi tintswalo leti, hi ta endzeriwa hi ku vonakala loku humaka hi le tilweni,

2 Vakorinto 1:3

A ku vongiwe Xikwembu Tata wa Hosi ya hina Yesu Kriste, Tatana wa tintswalo, Xikwembu lexi ku chavelela hinkwako ku humaka eka xona;

Yeremiya 33:11

Hambiswiritano etindhawini teto, ku ta tlhela ku twakala minkulungwana, ni huwa ya ntsako, ni mpfumawulo wa minkhuvo ya vukati, ni tinsimu ta lava tisaka minkhenso ya vona eTempeleni, va ri karhi va yimbelela va ku: “ ‘Dzunisani HOSI ya matimba hinkwawo, hikuva yi ni vunene, rirhandzu ra yona hi leri nga heriki!’ “Hakunene ndzi ta pfuxa xivandla lexi, kutani xi ta kateka ku fana ni khale.

Esaya 63:15

“We HOSI, hi langute u ri ematilweni laha u tshamaka kona, exivandleni xa wena lexo kwetsima, xo saseka. Xana ku hiseka ka wena ni matimba ya wena, swi kwihi ke? Xana u alela yini ku hi twela vusiwana, u hi komba tintswalo, xana?

Pisalema 98:3

A xi tshikanga ku rhandza Vaisraele, ni ku va la tshembekaka eka vona; hambi va ri vanhu va le matikweni ya le kule, va swi vonile leswaku Xikwembu xa hina i muhluri.

1 Yohane 3:17

Kambe loko munhu a ri ni swilo swa misava leyi, kutani a vona makwavo a ri eku pfumaleni, kambe a nonon'hwisa mbilu ya yena a nga n'wi pfuni, xana rirhandzu ro rhandza Xikwembu ri nga tshamisisa ku yini eka yena xana?

Vafilipiya 1:8

Xikwembu i mbhoni ya mina ya leswaku ndzi lava ngopfu ku va na n'wina hinkwenu, hi ku navela loku humaka eka Kriste Yesu.

Luka 1:54

Ú lwerile Israele nandza wa yena, hi ku anakanya tintswalo ta yena,

Yeremiya 31:20

HOSI Xikwembu xi ri: “N'wina va ka Efrayimi, mi vana va mina lava rhandzekaka, lava ndzi va tsakelaka swinene. Hambiloko ndzi mi tshinya minkarhi hinkwayo, a mi suki emiehleketweni ya mina; hikokwalaho, leswi ndzi mi rhandzaka swinene, ndzi ta mi twela vusiwana hakunene!”

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Pisalema 119:77

Ndzi kombe tintswalo ta wena leswaku ndzi ta hanya, hikuva ndzi tsakela ngopfu nawu wa wena.

Pisalema 107:1

Tlangelani HOSI, hikuva yi ni vunene, rirhandzu ra yona hi leri nga heriki.

Pisalema 106:45

Xi tsundzukile ntwanano wa xona na vona, xi va tsetselela hi mhaka ya rirhandzu ra xona lerikulu.

Pisalema 106:1

Dzunisani HOSI. Tlangelani HOSI, hikuva yi ni vunene, rirhandzu ra yona hi leri nga heriki.

Pisalema 103:4

Hi xona xi kutsulaka vutomi bya mina esirheni, xi ndzi rhendzela hi rirhandzu ni tintswalo.

Pisalema 69:16

We HOSI ndzi hlamule, hikuva rirhandzu ra wena ri saseke ngopfu; etintswalweni ta wena letikulu, hundzuluka u ndzi languta.

Pisalema 69:13

Loko ndzi ri mina we HOSI, ndzi khongela wena ntsena enkarhini lowu lavekaka. We Xikwembu, ndzi hlamule hi rirhandzu ra wena lerikulu, hikuva hi wena muponisi la tshembekaka.

Pisalema 40:11

We HOSI, u nga tshiki ku ndzi komba tintswalo, ndzi funengete hi rirhandzu ni ku tshembeka ka wena.

Nehemiya 9:19

Hambiswiritano wena a wu va tshikanga emananga, hikuva u tele ku twela vusiwana; papa leri a ri nembelela ninhlekanhi ri va komba ndlela a ri sukanga emahlweni ka vona, hambi wu ri ndzilo lowu a wu pfurha nivusiku wu va voningela ndlela leyi a va fanele ku famba ha yona, a wu sukanga.

2 TIKRONIKA 6:42

We HOSI Xikwembu, u nga fularheli Muhlawuriwa wa wena, anakanya rirhandzu leri u ri kombeke Davhida nandza wa wena.”

Eksoda 34:6

Kutani xi hundza hi le mahlweni ka Muxe, xi ri karhi xi huwelela, xi ku: “HOSI, HOSI, Xikwembu lexi twelaka vanhu vusiwana ni ku va tsetselela, lexi hlwelaka ku kariha, lexi taleke tintswalo ni ku tshembeka,

Eksoda 15:13

“Hi rirhandzu ra wena lero tshembeka, u rhangerile vanhu lava u va kutsuleke; u va hleterile hi matimba ya wena, va kondza va fika evutshan'wini bya wena lebyo hlawuleka.

Genesa 32:9

Kutani Yakobo a khongela a ku: “We Xikwembu xa Abrahama kokwa wa mina ni xa Isaka tata wa mina, we HOSI, u ndzi byerile u ku: ‘Tlhelela eka n'wina etikweni ra rikwenu, kutani mina ndzi ta ku endlela leswinene.’

Genesa 24:27

a ku: “A ku dzunisiwe HOSI, xona Xikwembu xa n'wini wa mina Abrahama, lexi nga tshikangiki ku komba ku tshembeka ka xona ni tintswalo ta xona eka n'wini wa mina. Hi xona lexi xi ndzi rhangeleke eriendzweni ra mina xi ta ndzi fikisa eka makwavo wa n'wini wa mina.”

Vafilipiya 2:1

Leswi mi kumeke ku khongoteleka eka Kriste, leswi mi susumetiwaka hi rirhandzu ra yena ni ku hlanganisiwa hi Moya, naswona leswi mi twelanaka vusiwana ni ku kombana tintswalo,

Nehemiya 13:22

Hiloko ndzi lerisa Valevhi leswaku va tibasisa, va ta va ta rindza tinyangwa, leswaku siku ra Savata ri va leri hlawulekeke. We Xikwembu xanga, ndzi tsundzuke, u ndzi katekisa hikwalaho ka leswi; ndzi hlayise hi rirhandzu ra wena lero tshembeka!

Daniele 9:18

We Xikwembu xanga, rhiya ndleve u yingisa. Pfula mahlo u languta maxangu ya hina ni ku onhaka ka muti lowu wu thyiweke vito ra wena. Loko hi tisa swirilo swa hina eka wena, a hi leswaku hi tshemba ku lulama ka hina, e-e, kambe hi tshemba ntsena tintswalo ta wena letikulu.

Habakuku 3:2

HOSI, mahungu ya ntirho wa wena ndzi ma twile, kutani wa ndzi chavisa, we HOSI. Pfuxa mintirho ya wena eminkarhini ya sweswi! Tikombe ni manguva lawa! Kambe, eku kariheni ka wena, u nga rivali ku tsetselela.