Pisalema 25:3 - BIBELE Mahungu Lamanene

³ Exikarhi ka lava va ku tshembaka, ku hava na un'we la khomiwaka hi tingana, hikuva tingana i ta lava kanganyisaka van'wana, va tlanga hi vona.

Xitsonga (Bibele)

³ Hinkwavo lava ku tshembaka va nga ka va nga khomiwi hi tingana. Tingana i ta lava endlaka swo biha ha vomu ntsena.

Pisalema 25:3 Referans Kwoze

Swirilo 3:25

HOSI Xikwembu xi ni vunene eka lava va xi tshembaka, eka vanhu lava va xi lavaka.

Esaya 40:31

kambe lava tshembaka HOSI Xikwembu, va ta engeteleriwa matimba, va ta haha kukota magama, va ta tsutsuma va nga karhali, va ta famba va nga heleli hi ntamu.

Esaya 49:23

Tihosi ti ta va vatatana eka wena, vasati va tona va ta va vamanana lava va nga ta ku hlayisa. Hinkwavo va ta nkhinsama va korhama, va nantswetela ritshuri emilengeni ya wena. Hikokwalaho, u ta swi tiva leswaku HOSI Xikwembu, hi mina; lava va ndzi tshembaka, va nga ka va nga khomiwi hi tingana.”

Mikiya 7:7

Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

Pisalema 62:5

Moya wa mina wu kuma ku wisa eka Xikwembu ntsena, hikuva xi ndzi nyika ku tshemba.

Pisalema 27:14

Tshemba HOSI, u tiya nhlana; u nga tsekatseki, ina tshemba HOSI!

Varhoma 8:25

Kambe loko hi langutela leswi hi nga swi voniki, hi swi langutela hi ku tiyisela.

Pisalema 37:34

Tshemba HOSI Xikwembu, u famba endleleni ya xona, xi ta ku tlakusa xi ku nyika tiko, kutani u ta hlalela ku herisiwa ka lavo homboloka.

Pisalema 33:20

Hina hi tshemba HOSI Xikwembu, hi xona xi nga mupfuni ni mulweri wa hina.

Pisalema 123:2

Malandza ya xinuna ni ya xisati a ma tshiki ku languta eka vinyi va wona. Hi mukhuva wolowo na hina a hi tshiki ku languta eka HOSI Xikwembu xa hina, xi kondza xi hi twela vusiwana.

Esaya 25:9

Enkarhini wolowo, vanhu va ta ku: “Vonani, lexi hi xona Xikwembu xa hina; i khale hi xi languterile leswaku xi ta hi lamulela. Hi xona Xikwembu lexi a hi xi yimerile: A hi tsakeni hi tlangela leswi xi hi poniseke.”

Pisalema 69:6

We N'wini wa hina, HOSI ya matimba hinkwawo, wena Xikwembu xa Israele, u nga pfumeli leswaku lava va ku tshembaka ni ku ku khongela, va khomiwa hi tingana ni ku tsongahatiwa hikwalaho ka mina.

Yeremiya 20:11

Kambe HOSI Xikwembu xi na mina kukota nhenha ya matimba, hi xona xi nga ta wisa lava va ndzi xanisaka, va nga ka va nga ndzi hluri. Va ta tlhela ni tingana, va nge humeleli, ku nyumisiwa ka vona a ku nga ha rivariwi ni siku ni rin'we.

Pisalema 35:26

Lava tsakaka loko ndzi ri ekhombyeni, hinkwavo a va hlanganisiwe tinhloko; a va khomiwe hi tingana va nyumisiwa, vona lava tikurisaka emahlweni ka mina.

Pisalema 132:18

Valala va yena ndzi ta va khomisa tingana, kutani vuhosi bya yena byi ta kula byi ndlandlamuka.”

Pisalema 71:13

Lava va ndzi lumbetaka, a va khomiwe hi tingana va herisiwa, lava ringetaka ku ndzi vavisa, a va tivangele ku soriwa ni mindzhukano.

Pisalema 31:17

We HOSI, u nga pfumeli leswaku ndzi khomiwa hi tingana, hikuva ndzi huwelela eka wena; lavo homboloka hi vona u fanelaka ku va khomisa tingana, va ya exivandleni xa vafi va nga ha ri na xo vula.

Pisalema 62:1

Moya wa mina wu kuma ku wisa eka Xikwembu ntsena, ku ponisiwa ka mina ku huma eka xona.

Pisalema 6:10

Valala va mina hinkwavo a va khome hi tingana, a va tlhele hi ku hatlisa ni tingana ta vona.

Yohane 15:25

A swi ri leswaku rito leri nga tsariwa eNawini wa vona ri hetiseka, leri nge: ‘Va ndzi vengile ntsena ehandle ka mhaka.’

Pisalema 119:78

Vasandzi vona a va khome hi tingana, hikuva va ndzi lumbetile, kambe mina a ndzi tshiki ku anakanya swiletelo swa wena.

Pisalema 109:3

Va ndzi rhendzela hi marito ya vona ya rivengo, va ndzi pfuka ndzi nga va onhelanga nchumu.

Pisalema 69:4

Lava va ndzi vengaka mahala, va tele ku tlula misisi ya nhloko ya mina; valala va mina lava, va ni matimba va ringeta ku ndzi herisa, va ndzi hembela va ku ndzi fanele ku tlherisa leswi ndzi nga swi yivangiki.

Genesa 49:13

“Zebuloni ú ta tshama eribuweni ra lwandle, a va hlaluko ra tingalava; tiko ra yena ri ta helela emutini wa Sidoni.

1 TIKRONIKA 10:13

Sawulo ú file hi ndlela leyi hikuva a nga vanga munhu wo tshembeka eka HOSI Xikwembu; a nga hlayisanga swileriso swa xona, ú yile a ya kombela ni ku leteriwa hi munhu la nga ni swikwembu.

Pisalema 22:6

Kambe mina a ndzi munhu wa nchumu, ndzo va xivungu; vanhu va ndzi monya, va ndzi langutela hansi.

Pisalema 31:18

Vahembi lava vo titshemba ni ku tikukumuxa, lava nga chaviki ku lumbeta munhu wo lulama, va hundzule timbheveve!