Pisalema 25:16 - BIBELE Mahungu Lamanene

¹⁶ We HOSI, hundzuluka u ndzi languta, u ndzi twela vusiwana, hikuva ndzo va ndzexe, ndzi le ku xanisekeni.

Xitsonga (Bibele)

¹⁶ Rhendzelekela eka mina, u ndzi tsetselela, Hikuva ndzi ri swanga, ndzi le khombyeni.

Pisalema 25:16 Referans Kwoze

Pisalema 86:16

Hundzuluka u ndzi languta, u ndzi twela vusiwana; ndzi nyike matimba u ndzi ponisa, hikuva ndzi vile nandza wa wena ku sukela evuhlangini bya mina.

Mikiya 7:19

U ta tlhela u hi twela vusiwana, u herisa milandzu ya hina hinkwayo; swidyoho swa hina u ta swi cukumeta hinkwaswo, swi ya wela eswidziveni swa lwandle.

Daniele 9:17

Sweswi ke, wena Xikwembu xa hina, amukela ku khongela ka mina nandza wa wena, u yingisa ku rila ka mina, u tlhela u languta hi tintswalo xivandla xa wena lexo hlawuleka, hikuva xi onhakile ngopfu.

Pisalema 143:4

Hikokwalaho mbilu ya mina yi hela ntamu, ndza titivala.

Pisalema 60:1

We Xikwembu, u hi cukumetile, u hi hangalasile, hikuva a wu hlundzukile, kambe sweswi, tlhela u hi pfuxa.

Pisalema 32:5

Kutani ndzi boxile ku dyoha ka mina, a ndzi ku fihlelanga ku homboloka ka mina. Ndzi vurile ndzi ku: “Ndzi ta tisola eka HOSI, ndzi vula nandzu wa mina.” Kutani we HOSI, u ndzi rhurile ndzhwalo wa swidyoho swa mina.

Pisalema 86:1

We HOSI ndzi yingise u ndzi hlamula, hikuva ndzi xisiwana, ndza pfumala.

Pisalema 109:22

hikuva ndzi xisiwana ni mupfumari, mbilu ya mina yi twa ku vava ngopfu.

Pisalema 119:132

Ndzi langute, u ndzi twela vusiwana, hikuva u bohile makungu yo pfuna lava va ku rhandzaka.