Pisalema 22:5 - BIBELE Mahungu Lamanene

⁵ Va huwelerile eka wena, kutani u va kutsula; a va khomiwanga hi tingana, hikuva a va tshemba wena.

Xitsonga (Bibele)

⁵ Va huwelele eka wena, kutani va ponisiwile; Va titshembele wena, kutani a va khomiwanga hi tingana.

Pisalema 22:5 Referans Kwoze

Varhoma 10:11

Tsalwa ri te: “Un'wana ni un'wana la pfumelaka ka yena, a nga ka a nga khomiwi hi tingana.”

Esaya 49:23

Tihosi ti ta va vatatana eka wena, vasati va tona va ta va vamanana lava va nga ta ku hlayisa. Hinkwavo va ta nkhinsama va korhama, va nantswetela ritshuri emilengeni ya wena. Hikokwalaho, u ta swi tiva leswaku HOSI Xikwembu, hi mina; lava va ndzi tshembaka, va nga ka va nga khomiwi hi tingana.”

Varhoma 9:33

hilaha ku tsariweke hakona va ku: “Vona, ndzi veka eSiyoni ribye leri wisaka vanhu, ni ntambha leri ri va khunguvanyisaka; kambe loyi a pfumelaka eka yena la nga ribye leri, a nga ka a nga khomiwi hi tingana.”

1 Petro 2:6

Hikuva eMatsalweni, ku na leswi swi nge: “Vonani, ndzi vekela ribye emutini wa Siyoni, ribye ra yinhla leri hlawuriweke, ra nkoka; kutani loyi a pfumelaka eka rona, a nga ka a nga khomiwi hi tingana.”

Esaya 45:17

Kambe HOSI Xikwembu xi ta ponisa Vaisraele hilaha ku nga heriki, va nga ka va nga khomiwi hi tingana, kumbe ku hlanganisiwa tinhloko ni siku ni rin'we.

Pisalema 106:44

Hambiswiritano, Xikwembu xi va twerile vusiwana eku xanisekeni ka vona, kutani xi yingisa swirilo swa vona.

Pisalema 71:1

We HOSI, ndzi ta ka wena leswaku u ta ndzi lwela, u nga pfumeli leswaku ndzi khomiwa hi tingana.

Pisalema 31:1

We HOSI, ndzi ta ka wena leswaku u ta ndzi lwela, u nga pfumeli leswaku ndzi khomiwa hi tingana; We Xikwembu xo tshembeka, ndzi sirhelele!

Vaavanyisi 6:6

Vaisraele va hundzuka swisiwana hikwalaho ka Vamidiyani, kutani va huwelela eka HOSI Xikwembu, va kombela ku pfuniwa.

Vaavanyisi 4:3

Yabini ú xanisile Vaisraele swinene ku ringana malembe ya 20, hikuva a a ri ni makalichi ya nsimbhi ya 900. Kutani Vaisraele va huwelela eka HOSI Xikwembu, va kombela ku pfuniwa.

1 TIKRONIKA 5:20

Vaisraele a va tshemba Xikwembu; kutani hi siku ra nyimpi, va huwelela eka xona, kutani xi amukela xirilo xa vona, xi va pfuna ku hlula va ka Hagara ni vaseketeri va vona.

Yeremiya 50:7

Hinkwavo lava kumaka Vaisraele va va herisa, valala va vona va ri: ‘A hi na nandzu, hikuva vanhu lava va dyohele HOSI Xikwembu musirheleri wa vona, yena loyi vatata wa vona a va n'wi tshemba!’

Daniele 3:28

Nebukadnetsara a ku: “Xikwembu xa Xadraka, na Mexaka, na Abedi-Nego, a xi dzunisiwe, hikuva xi rhumerile ntsumi ya xona ku ta ponisa malandza ya xona lawa ya xi tshembeke. Malandza lawa a ma yingisanga xileriso xa mina hosi; ma hlawurile ku nyiketa miri wa wona leswaku wu xanisiwa, ku ri na ku khongela swikwembu swin'wana, ma fularhela Xikwembu xa wona.