Pisalema 22:16 - BIBELE Mahungu Lamanene

¹⁶ Ntshungu wa lavo homboloka wu ndzi rhendzele kukota timbyana, wu ndzi handzulele milenge ni mavoko.

Xitsonga (Bibele)

¹⁶ Hikuva timbyana ti ndzi rhendzele; Vandla ra lavo biha ri ndzi rhendzele; Va tlhavile swandla swa mina ni mikondzo ya mina.

Pisalema 22:16 Referans Kwoze

Yohane 19:37

Nakambe Tsalwa rin'wana ri ri: “Va ta hlalela loyi va n'wi tlhaveke.”

Matewu 27:35

Loko va n'wi vambile, va avelana swiambalo swa yena hi ku hoxa vuhlolotwana,

Zakariya 12:10

Kutani ndzi ta chela moya wa vukhongeri ni wa tintswalo eka vatukulu va Davhida ni ka vaaki va Yerusalema. Va ta languta eka mina hikwalaho ka loyi va n'wi tlhaveke, kutani va ta n'wi rila ku fana ni loko munhu a tlhaveka a rila n'wana wa yena loyi a a ri yexe, kumbe n'wana wa yena wa mativula.

Yohane 20:25

Kutani vadyondzisiwa lava van'wana va ku ka yena: “Hi vonile Hosi.” Yena a ku ka vona: “Loko ndzi nga voni timbanga ta timhingu eswandleni swa yena, ni loko ndzi nga nghenisi ritiho ra mina etimbangeni ta timhingu, ndzi nghenisa ni xandla etsheveni ra yena, ndzi nga ka ndzi nga pfumeri.”

Yohane 19:23

Loko masocha ma vambile Yesu, va teka tinguvu ta yena, va ti avanyisa hi swiputsa swa mune, va avelana swona; va teka ni nkhancu, kambe nkhancu wa kona a wu nga rhungiwanga, a wu lukiwile wu ri nguvu yin'we ku sukela ehenhla ku fikela ehansi.

Marka 15:24

Hiloko va n'wi vamba, va avelana swiambalo swa yena hi ku hoxa vuhlolotwana, ku ta tiva leswi un'wana na un'wana a nga ta kuma swona.

Yohane 19:34

Hambiswiritano, un'wana wa masocha a n'wi tlhava tsheve hi tlhari, kutani kan'we-kan'we ku huma ngati ni mati.

Luka 23:33

Loko va fikile endhawini leyi va nge i “ya Pala”, va n'wi vamba kona, va vamba ni swidyohi, xin'wana evokweni ra yena ra xinene, xin'wana eka lera ximatsi.

Vafilipiya 3:2

Chavani timbyana, va nga vaendli va leswo biha; chavani lava tixekelelaka miri.

Luka 23:23

Kambe va huwelela hi marito layo tlakuka, va kombela leswaku a vambiwa; kutani ku huwelela ka vona ku yingisiwa.

Esaya 53:5

Kasi a a boxiwa timbanga hikwalaho ka milandzu ya hina, a xanisiwa hikwalaho ka swidyoho swa hina. Ku biwa ka yena ku hi tisele ku rhula, hi hanyisiwile hi mafelangati ya yena.

Pisalema 22:20

Ndzi ponise enyimpini leyi, u kutsula vutomi bya mina emilon'weni ya timbyana leti.

Pisalema 22:1

Xikwembu xanga, Xikwembu xanga, u ndzi tshikele yini! Ndzi le ku konyeni, ndzi kombela ku pfuniwa; u yimela yini kule na mina xana?

Yohane 20:27

Kutani a ku ka Tomasi: “Tisa ritiho ra wena la, u languta ni, swandla swa mina; tshambuluta xandla xa wena, u xi nghenisa etsheveni ra mina; u nga ha kanakani, kambe pfumela!”

Pisalema 59:6

Masiku hinkwawo va vuya nimadyambu va ri karhi va vukula kukota timbyana, va rhendzeleka hi muti.

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Pisalema 86:14

We Xikwembu, vanhu lava tikurisaka va ndzi hlasela, ntlawa wa swigevenga wu lava ku ndzi dlaya; vanhu lava a va na mhaka na wena!

Matewu 26:57

Lava nga khoma Yesu va n'wi yisa eka Kayafasi Muprista lonkulu, laha vatsari ni vakulukumba a va hlengeletanile kona.

Matewu 7:6

Mi nga nyiki timbyana swilo leswi hlawulekeke, hikuva ti nga mi hundzukela, ti mi kavutlulela; naswona mi nga hoxi tidayimani ta n'wina emahlweni ka tinguluve, hikuva ti ta ti kandziyela hi milenge.

Yeremiya 12:6

Ndzi vula hikuva lava va ku kanganyisaka i vamakwenu, i vanhu va ka n'wina, hi vona va ku salaka endzhaku. Hambiloko va ku tsakisa hi marito, u nga tshuki u va tshemba!”

Pisalema 59:14

Masiku hinkwawo va vuya nimadyambu va ri karhi va vukula kukota timbyana, va rhendzeleka hi muti.

Pisalema 38:11

Vanghana va mina, vona lava ndzi va rhandzaka, va ndzi tshikile ekhombyeni, va ka hina na vona va ndzi fularhela.