Pisalema 21:1 - BIBELE Mahungu Lamanene

¹ Mufumi wa tiko ú tsakisiwa hi matimba ya wena we HOSI, ú tsake ngopfu, hikuva u n'wi pfunile ku hlula valala va yena.

Xitsonga (Bibele)

¹ Yehovha, matimba ya wena ma tsakisa hosi. Ku ponisa ka wena ka n'wi tsakisa swonghasi!

Pisalema 21:1 Referans Kwoze

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Matewu 2:2

ti ku: “Yi kwihi Hosi ya Vayuda leyi velekiweke xana? Hikuva hi vonile nyeleti ya yona le vuxeni, kutani hi tile ku ta yi gandzela.”

Pisalema 62:7

Eka Xikwembu ndzi kuma ku hlayiseka ni ku dzuneka, hi xona ribye ra mina lero tiya leri ndzi tumbelaka eka rona.

Pisalema 28:7

HOSI hi yona matimba ni xitlhangu xanga, ndzi tshemba yona ntsena; sweswi ndzi pfunekile, kutani mbilu ya mina yi tele ntsako, ndzi nkhensa HOSI hi ku yimbelela tinsimu.

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

Pisalema 99:4

Wena mufumi wa matimba, u rhandza nawu, kutani leswo lulama swi tiyisiwa hi wena. Hi wena u tiseke nawu ni ku lulama exikarhi ka va ka Yakobo.

Pisalema 95:1

Tanani hi ta dzunisa HOSI Xikwembu hi minkulungwana, hi twarisa loyi a nga ribye ra hina ni muponisi wa hina.

Pisalema 71:17

We Xikwembu, u ndzi dyondzisile ku sukela evuntshweni bya mina, hikokwalaho ni sweswi ndza ha twarisa mintirho ya wena leyo hlamarisa.

Pisalema 63:11

Mufumi wa tiko a a titsakele eka Xikwembu; hinkwavo lava tinyiketeke eka xona, a va xi dzunise, kambe lava hembaka a va miyetiwe!

Pisalema 20:9

We HOSI, nyika mufumi wa tiko matimba yo hlula! Hi hlamule, siku hi rilaka eka wena.