Pisalema 20:8 - BIBELE Mahungu Lamanene

⁸ Va ta hela matimba, va wa, kambe hina hi ta yima hi ku tsèrhè!

Xitsonga (Bibele)

⁸ Vona va oveka va wa ehansi, Kambe hina hi ta pfuka, hi yima hi tiya kona.

Pisalema 20:8 Referans Kwoze

Pisalema 125:1

Lava tshembaka HOSI Xikwembu, va fana ni ntshava ya Siyoni, leyi nga tsekatsekiki, leyi tiyeke hilaha ku nga heriki.

Mikiya 7:8

N'wina valala va hina, mi nga tshuki mi tsaka leswi hi weke, hikuva hi ta tlhela hi pfuka; hi le xinyamini, kambe HOSI Xikwembu xi ta va xona ku vonakala ka hina.

Vaavanyisi 5:31

“Wena HOSI Xikwembu, valala va wena a va lovise sweswo, kambe lava va ku rhandzaka a va ve ni ntamu ku fana ni dyambu loko ri tlhava.” Kutani ku va ni ku rhula etikweni ku ringana malembe ya 40.

Yoxuwa 11:4

Kutani tihosi leti ti huma ti ri ni masocha ya tona hinkwawo, lawa a ma endla vandla lerikulu; ntsengo wa wona a wu tele kukota sava eribuweni ra lwandle; a va ri ni tihanci leto tala ni makalichi.

1 SAMIELE 17:45

Davhida a hlamula Mufilista a ku: “U ndzi tela u khomile banga, ni tlhari lerikulu, ni leritsongo, kambe mina ndzi ta eka wena hi vito ra HOSI ya matimba hinkwawo, Xikwembu xa mavuthu ya Israele lawa u ma pfukeke.

2 TIHOSI 19:23

Hi nomo wa varhumiwa va wena, u ndzi sandzile mina N'wini wa hinkwaswo, loko u ri karhi u tidzunisa, u ku: Hi makalichi ya mina layo tala, ndzi khandziyile etinhlohlorini ta tintshava, emabakweni ya Lebanoni lomu ku nga nghenekiki; ndzi yile ndzi ya tsema mirhi ya kona leyo leha ya kedari, ni mirhi ya kona leyo saseka ya kipresi. Ndzi fikile emakocokocweni ya kona ya le ndzeni ni le swihlahleni swa kona leswo tlhuma.

2 TIKRONIKA 14:10

Hosi Asa na yena a huma nyimpi ku ya lwa na Zera, kutani mavuthu hinkwawo ma xaxametiwa enkoveni wa Sefata kusuhi na Marexa.

2 TIKRONIKA 14:11

Kutani Asa a khongela HOSI Xikwembu xa yena, a ku: “We HOSI, hi wena ntsena u kotaka ku lwela lava tsaneke, u va ponisa eka lava va va tlulaka hi matimba. Hi pfune u va na hina, we HOSI, Xikwembu xa hina, hikuva hi tshemba wena ntsena; loko hi ya hlangana ni ntshungu lowu wa valala, hi lava ku twarisa vito ra wena. We HOSI, u Xikwembu xa hina, u nga pfumeli leswaku loyi a nga munhu ntsena a ku tlula hi matimba!”

Ezra 8:22

A ndzi nyuma ku kombela hosi ya tiko leswaku yi hi nyika masocha ni vagadi va tihanci leswaku va hi sirhelela eka valala endleleni, hikuva a ndzi yi byerile leswaku Xikwembu xa hina xi sirhelela hinkwavo lava va xi tsakelaka, kambe hinkwavo lava va xi fularhelaka xa va hlundzukela swinene.

Pisalema 33:16

Mufumi wa tiko a nga ponisiwi hi ku va ni mavuthu layo tala, ni nhenha a yi hluli hi mhaka ya matimba ya yona lamakulu.

Pisalema 33:17

Hanci a hi yona yi pfunaka munhu ku hlula valala, hambi yi ri ni matimba lamakulu, a yi pfuni mugadi ku baleka.

Pisalema 124:8

Ku pfuniwa ka hina ku le vitweni ra HOSI, leyi endleke tilo ni misava.

Swivuriso 21:31

Hanci yi nga lulamiseriwa ku ya enyimpini, kambe ku hlula, swi huma eka HOSI Xikwembu.

Hosiya 14:4

Ku tiarisa ka vona, ndzi ta ku tshungula; ndzi ta va rhandza hi mbilu hinkwayo, hikuva sweswi a ndza ha va hlundzukelanga.