Pisalema 20:6 - BIBELE Mahungu Lamanene

⁶ Sweswi ndza swi tiva leswaku HOSI Xikwembu xi ta pfuna Muhlawuriwa wa xona; xi ta n'wi hlamula xi ri eTempeleni ya xona ya le matilweni, xi n'wi nyika ku hlula valala hi matimba lamakulu ya voko ra xona ra xinene.

Xitsonga (Bibele)

⁶ Ni sweswi, ndza swi tiva leswaku Yehovha u hlayisa muhlawuriwa wa yena, U ta n'wi hlamula a ri ematilweni ya ku kwetsima ka yena, Hi mitirho ya ku lwela ka voko ra yena ra xinene.

Pisalema 20:6 Referans Kwoze

Pisalema 28:8

HOSI hi yona matimba ya vanhu va yona, ni khokholo leri Muhlawuriwa wa yona a tumbelaka ka rona.

Timhaka 5:31

Hi yena loyi Xikwembu xi nga n'wi tlakusa, a tshama evokweni ra xona ra xinene ku va Murhangeri ni Muponisi, leswaku a ta nyika Vaisraele eku hundzuka ni ku rivaleriwa ka swidyoho.

Timhaka 4:10

swi tiveni n'wina hinkwenu, ni tiko hinkwaro ra Israele a ri swi tive: Munhu loyi a yimeke emahlweni ka n'wina a ololokile, ú hanyisiwile hi vito ra Yesu Kriste wa Nazareta, yena loyi mi nga n'wi vamba exihambanweni, loyi Xikwembu xi n'wi pfuxeke eku feni.

Matewu 6:9

“N'wina ke, khongelani hi mukhuva lowu, mi ku: “ ‘Tata wa hina la nge matilweni, vito ra wena a ri hlawuleke;

Esaya 63:15

“We HOSI, hi langute u ri ematilweni laha u tshamaka kona, exivandleni xa wena lexo kwetsima, xo saseka. Xana ku hiseka ka wena ni matimba ya wena, swi kwihi ke? Xana u alela yini ku hi twela vusiwana, u hi komba tintswalo, xana?

Pisalema 18:50

HOSI Xikwembu xi nyika ku hlula lokukulu eka loyi xi n'wi vekeke ku va hosi, xi komba tintswalo ta xona leto tshembeka eka Davhida muhlawuriwa wa xona, ni ka vatukulu va yena hilaha ku nga heriki.

Pisalema 2:2

Tihosi ta misava ti jamile, vafumi va matiko va twananile ku lwa na HOSI Xikwembu ni Muhlawuriwa wa xona,

Timhaka 2:36

“Hikokwalaho rixaka hinkwaro ra Vaisraele ri fanele ku tiva mhaka leyi swinene leswaku Yesu loyi mi n'wi vambeke, hi yena loyi Xikwembu xi n'wi endleke Hosi ni Mesiya.”

Esaya 58:9

Enkarhini wolowo, mina HOSI ndzi ta mi hlamula loko mi huwelela eka mina, loko mi ndzi vitana, ndzi ta ku: ‘Hi mina loyi!’ “Loko mi susa joko leri mi ri rhwexeke van'wana, mi nga ha tshameli ku kombetelana hi tintiho, naswona mi nga ha lumbetani.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Pisalema 41:11

Loko valala va mina va tshika ku khana, ndzi ta tiva leswaku wa ha ndzi tsakela.

Pisalema 18:35

We HOSI, u ndzi tamerisa xitlhangu ku nga ku ponisa ka wena; voko ra wena ra xinene ra ndzi seketela, wa ndzi kurisa, loko u tikarhatela mina.

Pisalema 17:7

Komba ku hlamarisa ka tintswalo ta wena leto tshembeka, wena muponisi wa lava balekaka valala va vona, va ta lava vutumbelo evokweni ra wena ra xinene.

1 TIHOSI 8:43

n'wi yingise we HOSI u ri evutshan'wini bya wena ematilweni, u n'wi endlela hinkwaswo leswi swi n'wi susumeteke ku kombela eka wena. Hi ndlela leyi, vanhu hinkwavo va misava va ta tiva vito ra wena va ku chava, tanihi leswi Vaisraele vanhu va wena va ku chavaka; naswona vamatiko va ta tiva leswaku yindlu leyi ndzi yi akeke i Tempele ya wena hakunene.

1 TIHOSI 8:30

Yingisa xikombelo xa mina nandza wa wena, ni xa Vaisraele vanhu va wena, loko va khongela va ri karhi va languta xivandla lexi. Hi yingise u ri evutshan'wini bya wena ematilweni, hi yingise u hi rivalela!

Timhaka 2:33

Sweswi ke ú tlakuriwile a ya evokweni ra xinene ra Xikwembu; ú amukele Moya lowo Kwetsima lowu tshembisiweke, wu nga lowu humaka ka Tatana, kutani ú cherile ehenhla ka hina leswi mi swi vonaka ni leswi mi swi twaka.

Pisalema 9:15

Vamatiko va hojomerile ekheleni leri va ri celeke; ntlhamu lowu a va wu rhiyile, wu tlhele wu phasa milenge ya vona.

Mikiya 4:5

Vanhu hinkwavo va matiko man'wana va nga ha tigandzelela swikwembu swa vona, kambe hina hi ta gandzela HOSI Xikwembu xa hina hilaha ku nga heriki.