Pisalema 19:8 - BIBELE Mahungu Lamanene

⁸ Swiletelo swa HOSI swi lulamile, swi tsakisa mbilu; swileriso swa yona swi tengile, swi hanyanyisa mahlo;

Xitsonga (Bibele)

⁸ Ku letela ka Yehovha ku lulamile ku tsakisa mbilu; Ku lerisa ka Yehovha ku basile, ku hanyanyisa mahlo;

Pisalema 19:8 Referans Kwoze

Pisalema 12:6

Marito ya HOSI ma tengile, ma fana ni silivhere leyi tengisiweke hi ku swekiwa ka 7 embiteni leyi celeriweke ehansi.

Pisalema 119:105

Rito ra wena i rivoningo endleleni ya mina, ni ku vonakala emilengeni ya mina.

Yeremiya 15:16

Siku ndzi kumeke marito ya wena, ma hundzukile swakudya swa mina ma ndzi tsakisa; ndzi ma tsakerile hi mbilu hinkwayo, hikuva ndzi vuriwa munhu wa wena. We HOSI, Xikwembu xa matimba hinkwawo,

Swivuriso 30:5

Hinkwaswo leswi vuriwaka hi Xikwembu swi tiyile, hi xona xitlhangu xa lava tsutsumelaka eka xona.

Pisalema 119:128

Hikokwalaho, swiletelo swa wena hinkwaswo hi swona swi ndzi kombaka ndlela leyinene; a ndzi twanani ni mikhuva ya vakanganyisi.

Swivuriso 2:6

HOSI Xikwembu hi xona xi nyikaka vutlhari, vutivi ni ku twisisa swi huma eka xona;

Pisalema 119:92

Ndzi ponisiwile ekhombyeni leri a ndzi ri eka rona, hikuva a ndzi tsakela ngopfu nawu wa wena.

Pisalema 119:80

Ndzi navela ku landza milawu ya wena, ndzi nga yi tshiki, kutani a ndzi nga khomiwi hi tingana.

Swivuriso 6:23

Switsundzuxo i rivoni, milawu i ku vonakala, marito yo tshinya ni ku laya ma komba ndlela ya ku hanya.

Varhoma 7:22

Mina hi xiviri xa mina ndzi tsakela Nawu wa Xikwembu;

Vagalatiya 2:19

Loko a ri mina, Nawu wu ndzi dlele. Hi tlhelo ra Nawu mina a ndzi file, leswaku ndzi ta hanyela Xikwembu. Kriste ú vambiwile kutani ndzi vambiwile na yena;

Varhoma 3:20

Hikuva a ku na munhu ni un'we loyi a nga ta hlayiwa la lulameke emahlweni ka xona hi mhaka ya leswi a nga endla hi ku lerisa ka Nawu; ntiyiso wa kona hileswaku Nawu wu komba lexi ku dyoha ku nga xona.

Varhoma 7:7

Loko swi ri tano, xana hi nga vula yini ke? Xana Nawu i ku dyoha ke? Niswitsanana! Hambiswiritano, a ndzi nga ta tiva leswi ku dyoha ku nga swona, loko Nawu a wu nga vanga kona; hikuva a ndzi nga ta tiva leswi ku navela loko biha ku nga swona, loko Nawu a wu nga vulanga wu ku: “U nga tshuki u navela!”

Pisalema 119:16

Ku yingisa milawu ya wena, eka mina i ntsako lowukulu, a ndzi nga rivali marito ya wena.

Pisalema 119:14

Ku hanya hi switsundzuxo swa wena swa ndzi tsakisa, swi fana ni loko ndzi thumbha xuma lexo tala.

Ezekiele 36:27

Ndzi ta mi nyika moya wa mina, kutani wu ta mi fambisa etindleleni ta mina, wu mi dyondzisa ku hlayisa milawu ya mina.

Pisalema 119:171

Ndzi ta ku tlangela hi nomo wa mina, hikuva u ndzi dyondzisa milawu ya wena.

Pisalema 119:143

Hambiloko ndzi wela hi gome ni nhlomulo, ndzi tsakela swileriso swa wena.

Pisalema 119:130

Loko vanhu va hlamuseriwa rito ra wena swi va pfula mahlo, vanhu va xiyimo xa le hansi swi va nyika vutlhari.

Pisalema 119:121

Ndzi endlile leswo lulama, leswi nga nawini, u nga ndzi nyiketi eka lava va ndzi xanisaka.

Pisalema 119:40

Vona, ndzi navela ngopfu swiletelo swa wena; ponisa vutomi bya mina, hikuva u Xikwembu lexi lulameke.

Pisalema 119:12

We HOSI, vanhu a va tlangele wena! Hambi a ri mina, ndzi dyondzise milawu ya wena.

Pisalema 105:45

Xikwembu a xi endlela leswaku va hlayisa swiletelo swa xona, va landzelela milawu ya xona hinkwayo. Dzunisani HOSI!

Pisalema 40:8

We Xikwembu xanga, ndzi tsakela ngopfu ku endla ku rhandza ka wena, nawu wa wena wu le mbilwini ya mina.”

Pisalema 13:3

We HOSI Xikwembu xanga, languta u ndzi hlamula; sivela mahlo ya mina ku khomiwa hi vurhongo bya rifu,

Eksoda 18:16

Loko munhu ni muakelani wa yena va holovile, va ta eka mina, kutani mina ndzi va avanyisela mhaka ya vona, ndzi va hlamusela swileriso swa Xikwembu ni milawu ya xona.”

Genesa 26:5

hikuva Abrahama a a ndzi yingisa ni ku endla leswi ndzi n'wi byelaka swona, a hlayisa milawu ya mina, ni swileriso swa mina, ni swiletelo swa mina.”

Vagalatiya 3:21

Loko swi ri tano, xana Nawu wu lwa ni switshembiso swa Xikwembu xana? Niswitsanana! Hikuva loko onge ku vekiwile nawu lowu wu kotaka ku nyika vanhu evutomi, vanhu a va ta endliwa lava lulameke hi ku hlayisa Nawu;

Esaya 64:5

Wena u amukela vanhu lava tsakelaka ku endla leswo lulama, lava nga rivaliki tindlela ta wena. U hi hlundzukerile, kambe hi yile emahlweni hi ku dyohela; i khale hi ri karhi hi dyoha; xana ha ha ta pona ke?

Pisalema 119:54

Loko ndza ha ri emisaveni leyi, ndzi ta yimbelela tinsimu ndzi dzunisa milawu ya wena.

Pisalema 119:24

Ndzi tsakela ngopfu switsundzuxo swa wena, ndzi fambisiwa hi swona.

Nehemiya 9:13

U xikerile ehenhla ka ntshava ya Sinayi, kutani u vulavula ni Vaisraele u ri etilweni, u va nyika switsundzuxo leswinene, ni milawu ya ntiyiso, ni swileriso ni swiletelo leswo lulama.

Nehemiya 8:12

Vanhu hinkwavo va twisisile marito lawa va byeriweke wona, kutani va muka va ya dya ni ku nwa, va tsaka swinene, va nyika ni lava va pfumalaka swakudya.

Duteronoma 16:14

Enkhubyeni wa kona, mi ta tsaka, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi, ni valuveri, ni lava pfumalaka vatswari, ni tinoni leti tshamaka emitini ya n'wina.

Duteronoma 16:11

Loko mi ri endhawini leyi HOSI Xikwembu xa n'wina xi nga ta yi hlawula leswaku vito ra xona ri gandzeleriwa eka yona, mi fanele ku tsaka, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava tshamaka emitini ya n'wina, ni valuveri, ni lava pfumalaka vatswari, ni tinoni leti tshamaka emitini ya n'wina.

2 TIHOSI 17:37

Loko yi ri milawu, ni swiletelo, ni Nawu, ni swileriso, leswi ndzi nga mi nyika swona hi matsalwa, mi ta swi hlayisa leswaku mi hanya ha swona masiku hinkwawo; mi nga tshuki mi khongela swikwembu swimbe.

Pisalema 93:5

Swileriso swa wena swi tiyile we HOSI, Tempele ya wena yi fanele ku hlawuleka minkarhi hinkwayo.

Pisalema 111:7

Hinkwaswo leswi xi va endlelaka swona swa tshembeka, swi lulamile; loko xi bohile makungu, a xi ma hundzuluxi;