Pisalema 19:11 - BIBELE Mahungu Lamanene

¹¹ Hi swona leswi swi ndzi tsundzuxaka, mina nandza wa wena; ku hlayisa swona swa ndzi vuyerisa swinene.

Xitsonga (Bibele)

¹¹ Hikwalaho nandza wa wena u dyondzisiwa ha swona; La hlayisaka swona u ni hakelo leyikulu.

Pisalema 19:11 Referans Kwoze

2 Yohane 1:8

Hikokwalaho, tivoneleni leswaku mi nga lahlekeriwi hi leswi mi nga tikarhatela swona, kambe mi kota ku kuma hakelo leyi yi mi fanelaka.

Pisalema 119:11

Leswi u swi vulaka, ndzi swi veka eku enteni ka mbilu yanga, leswaku ndzi nga ku dyoheli.

Yakobo 1:25

Kambe loyi a kambisisaka Nawu lowu hetisekeke wa ku ntshunxeka, a tiyisela eka wona a nga ri mutwi loyi a rivalaka, kambe a ri muendli la tirhaka, ú ta kateka eka leswi a swi endlaka.

Swivuriso 29:18

Vanhu lava nga kumiki switsundzuxo swa HOSI Xikwembu, va ta tshika milawu; ku katekile lava hlayisaka nawu wa HOSI Xikwembu.

Matewu 6:4

leswaku ku nyika ka wena ku endleriwa exihundleni; kutani Tata wa wena la vonaka exihundleni, hi yena la nga ta ku hakela.

Nhlavutelo 14:13

Kutani ndzi twa rito ri huma etilweni ri ku: “Tsala leswi: Ku katekile vafi lava ku sukela sweswi va felaka eHosini!” Moya na wona wu ri: “Ina, va katekile, hikuva va phyuphya emikarhalweni ya vona, kutani mintirho ya vona yi ta va landzela.”

Vaheveru 11:26

Ú ehleketile leswaku ku rhuketeriwa hikwalaho ka Mesiya i rifuwo leri tlulaka vukosi hinkwabyo bya Egipta, hikuva a a langutela hakelo leya ha taka.

1 Vatesalonika 5:14

Kutani ha mi khongotela vamakwerhu, hi ri: Layani malolo, mi tiyisa lava helaka ntamu; pfunani lava tsaneke, mi lehisela hinkwavo timbilu.

Matewu 3:7

Kambe loko a vona Vafarisi ni Vasaduki lavo tala va ta ku ta khuvuriwa hi yena, a ku ka vona: “Rixaka ra timhiri, i mani la nga mi tsundzuxa ku baleka vukari bya Xikwembu lebyi taka xana?

1 Vakorinto 4:14

Ndzi tsala timhaka leti, ku nga ri ku mi khomisa tingana kambe ku mi tsundzuxa, tanihi vana va mina lava rhandzekaka.

Timhaka 20:31

Loko swi ri tano, hitekani, mi tsundzuka leswaku, vusiku ni nhlekanhi, a ndzi rhutelanga ku dyondzisa hi mihloti un'wana ni un'wana wa n'wina, hi nkarhi wo ringana malembe manharhu.

Matewu 6:18

u ta ka u nga vonaki eka vanhu leswaku u le ku titsoneni ka swakudya, kambe u ta voniwa hi Tata wa wena la nga kona, exihundleni; kutani Tata wa wena la vonaka exihundleni, ú ta ku hakela.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

2 TIKRONIKA 19:10

Varikwenu va ta mi tisela timhaka leti humeleleke emitini ya vona, ti nga ta ku dlayana, kumbe ku phikisana hi tlhelo ra ku rhandza ka Xikwembu ni swileriso swa xona, ni milawu, ni swiletelo; n'wina mi ta va laya, va ta ka va nga tivangeli nandzu emahlweni ka HOSI Xikwembu, kutani xona a xi nga mi hlundzukeli, n'wina ni varikwenu lava; mi ta va mi humile nandzwini, loko mi tirha hi mukhuva wolowo.

Matewu 6:6

Kambe wena loko u khongela, nghena endlwini ya wena; kutaku loko u pfarile nyangwa, khongela Tata wena la nge xihundleni, kutani Tata wa wena la vonaka exihundleni ú ta ku hakela.

Pisalema 119:72

Eka mina, nawu lowu humaka enon'weni wa wena wu ni nkoka ku tlula mali yo tala ya nsuku ni silivhere.

Pisalema 119:103

Marito ya wena a hi ku nandziha ka wona, ma tsokombela ku tlula ni vulombe enon'weni wa mina.

Swivuriso 24:14

Tiva leswaku vutlhari byi fana ni vulombe evuton'wini bya wena: Loko u ri ni vutlhari, u nga kanakani hi leswi nga ta humelela enkarhini lowu taka, naswona ku tshemba ka wena a ku nga heleli empfhukeni.

Ezekiele 3:3

A engeta a ku ka mina: “Wena munhu, mita buku leyi ndzi ku nyikaka yona, u tata khwiri ra wena!” Kavaloko ndzi dya: Enon'weni wa mina a yi nandziha kukota vulombe.