Pisalema 18:50 - BIBELE Mahungu Lamanene

⁵⁰ HOSI Xikwembu xi nyika ku hlula lokukulu eka loyi xi n'wi vekeke ku va hosi, xi komba tintswalo ta xona leto tshembeka eka Davhida muhlawuriwa wa xona, ni ka vatukulu va yena hilaha ku nga heriki.

Xitsonga (Bibele)

⁵⁰ U ponisa hosi ya yena hi ku kutsula lokukulu, U endla hi tintswalo eka muhlawuriwa wa yena, Eka Davhida, ni ka rixaka ra yena hilaha ku nga heriki.

Pisalema 18:50 Referans Kwoze

Pisalema 144:10

ndzi ku: “Tihosi ti pfuniwa hi Xikwembu ku hlula valala va tona, hi xona lexi poniseke nandza wa xona Davhida.”

2 SAMIELE 7:13

Hi yena loyi a nga ta ndzi akela yindlu yo dzunisa vito ra mina, kutani ndzi ta tiyisa mfumo wa yena hilaha ku nga heriki.

Varhoma 11:29

hikuva tinyiko ta Xikwembu ni ku vitana ka xona a swi hundzuki.

Pisalema 132:10

Leswi u rhandzeke Davhida nandza wa wena, u nga fularheli loyi u n'wi vekeke evuhosini.

Vagalatiya 3:16

Sweswi ke, switshembiso swi nyikiwile Abrahama ni wa rixaka ra yena; a ku vuriwanga “ni va rixaka”, wonge hi loko ku vuriwa lavo tala; kambe ku vuriwile “ni wa rixaka ra wena”, hileswaku munhu un'we a nga Kriste.

Luka 1:69

xi hi pfuxele Muponisi wa matimba erixakeni ra Davhida nandza wa xona;

Pisalema 2:6

“Ndzi vekile hosi leyi ndzi yi tsakelaka emutini wa Siyoni, entshaveni ya mina leyo hlawuleka.”

1 TIKRONIKA 17:27

Sweswi ke, ndzi kombela leswaku u katekisa rixaka ra mina nandza wa wena, ri ya emahlweni ri ku dzunisa hilaha ku nga heriki. Leswi u swi katekisaka we HOSI, swi tshama swi katekile!”

1 SAMIELE 2:10

“Valala va HOSI va ta rhurhumela, HOSI yi ta va balesa hi rihati yi ri etilweni. HOSI yi ta avanyisa matlhelo hinkwawo ya misava: yi ta nyika ntamu eka mufumi wa tiko ra yona; yi tiyisa matimba ya Muhlawuriwa wa yona.”

Varhoma 1:3

yi vulavula hi N'wana wa xona, Hosi ya hina Yesu Kriste, loyi a nga huma erixakeni ra Davhida hi tlhelo ra ku va munhu wa nyama;

1 SAMIELE 16:1

HOSI Xikwembu xi vutisa Samiele xi ku: “Xana u ta va ni xiviti xa ku rilela Sawulo ku fikela rini, leswi ndzi n'wi tshikeke leswaku a nga ha vi hosi ya Israele, xana? Chela mafurha erimhondzweni ra wena ri tala, u ya laha ndzi nga ta ku rhuma kona, eka Yese wa le Betlehema, hikuva ndzi tihlawulele hosi exikarhi ka majaha ya yena.”

Pisalema 57:10

hikuva rirhandzu ra wena i rikulu, ri dliva ni le tilweni, ku tshembeka ka wena ku ringana ni mapapa hi ku tlakuka.