Pisalema 18:45 - BIBELE Mahungu Lamanene

⁴⁵ va hela matimba, va huma hi ku rhurhumela emakhokholweni ya vona.

Xitsonga (Bibele)

⁴⁵ Vana va matiko va ni gome, Va rhurhumela loko va huma emakhokholweni ya vona.

Pisalema 18:45 Referans Kwoze

Mikiya 7:17

Va ta famba eritshurini ku fana ni tinyoka, va ta kasa wonge vo va swikokovi. Va ta huma emakhokholweni ya vona va ri karhi va rhurhumela, va kongoma eka wena HOSI Xikwembu xa hina, va tshukile swinene, kutani va ta hamba va ku chava.

Nhlavutelo 6:16

Va vitana tintshava ni maribye va ku: “Hi weleni ehenhla, mi hi funengeta leswaku loyi a tshameke exiluvelweni a ta kala a nga hi voni, ni vukari bya Xinyimpfana byi ta kala byi nga hi fikeli.

Yakobo 1:11

Dyambu ri huma ri ri ni ku hisa ka rona, ri vunisa nhova; swiluva swi wela hansi, ni ku saseka ka swona ka onhaka. Hi mukhuva wolowo, mufuwi na yena ú ta vuna a herisiwa, a ri karhi a landzelela swilo swa yena.

Esaya 24:4

Misava yi le nkosini, yi tsanile, matiko hinkwawo ma hele ntamu, ma tsanile, hambi ma ri matilo, ma hele ntamu kukota misava.

Duteronoma 33:29

Mi katekile n'wina Vaisraele! I mani la fanaka na n'wina xana? Mi vanhu lava va lamuleriwaka hi HOSI Xikwembu, xona xitlhangu lexi xi mi sirhelelaka, ni fumu leri mi hlulaka ha rona. Valala va n'wina va ta ta eka n'wina va ri karhi va tilondla; switsunga swa vona swa vugandzeri bya hava, mi ta swi kandziyela ehansi.”

2 SAMIELE 8:2

Davhida a hlula ni mavuthu ya Vamowabu; a xaxameta lava khomiweke, a va pavalarisa ehansi, kutani a va pima hi ngoti, ku huma mintlawa minharhu; hiloko a yisa mintlawa mimbirhi eku dlaweni, kambe a tsetselela hinkwavo lava a va ri entlaweni wa vunharhu. Ku sukela siku rero, Vamowabu va va ehansi ka mfumo wa Davhida, va humesa ndzuvo va n'wi luva.

2 SAMIELE 8:6

Kutani Davhida a veka mintlawa ya varindzi leswaku va rindza Vasiriya va le Damaska; kwalaho Vasiriya va va ehansi ka mfumo wa Davhida, va humesa ndzuvo va n'wi luva. HOSI Xikwembu a xi nyika Davhida ntamu wa ku hlula valala va yena, hinkwako lomu a a famba a ya lwa kona.

Pisalema 66:3

Huwelelani emahlweni ka Xikwembu mi ku: “Mintirho ya wena ya hlamarisa; valala va wena va rhurhumela emahlweni ka wena, hikuva matimba ya wena i makulu.

Pisalema 81:16

Kambe n'wina a ndzi ta mi phamela vuswa bya xibasa, ni vulombe byo huma ebakweni ra maribye, mi dya byona mi xurha.”