Pisalema 18:29 - BIBELE Mahungu Lamanene

²⁹ Hi ku pfuniwa hi wena, ndzi nga pyanyetela ntlawa wa vahlaseri. Hi matimba ya wena Xikwembu xanga, rirhangu, ndzi nga ri tlula.

Xitsonga (Bibele)

²⁹ Loko ndzi ri na wena, ndzi nga tihoxa evandleni ra valala, Kambe hi Xikwembu xa mina, ndzi nga tlula rihlampfu.

Pisalema 18:29 Referans Kwoze

2 SAMIELE 22:30

Hi ku pfuniwa hi wena, ndzi nga pyanyetela ntlawa wa vahlaseri. Hi matimba ya wena we Xikwembu xanga, rirhangu, ndzi nga ri tlula.

Nhlavutelo 3:21

Loyi a hlulaka, ndzi ta n'wi nyika ku tshama na mina exiluvelweni xa mina, kukotisa leswi na mina hi xiviri ndzi hluleke, kutani ndzi tshamaka ni Tata wa mina exiluvelweni xa yena.

Vakolosa 2:15

Kriste ú hetile matimba ya mimoya ya vundhuna ni ya vufumi, a yi endla xisolo erivaleni, hi ku yi hlulela makumu hi xihambano.

1 Vakorinto 15:10

Kambe ndzi leswi ndzi nga swona hi tintswalo ta Xikwembu, kutani tintswalo ta kona, leti Xikwembu xi ndzi kombeke tona, a ti welanga ehansi. Ntiyiso wa kona hileswaku ndzi tirhile ngopfu ku va tlula hinkwavo; hambiswiritano, a ku tirhanga mina, kambe ku tirhile tintswalo ta Xikwembu leti ndzi nga kombiwa tona.

Pisalema 144:10

ndzi ku: “Tihosi ti pfuniwa hi Xikwembu ku hlula valala va tona, hi xona lexi poniseke nandza wa xona Davhida.”

Pisalema 144:1

Ndza ku nkhensa HOSI, wena ribye ranga, wena la ndzi letelaka eku hlomeni ka matlhari, ni le ku lweni ka tinyimpi.

2 SAMIELE 5:25

Davhida a endla hilaha HOSI Xikwembu xi n'wi leriseke hakona, kutani a hlula Vafilista ku sukela eGeba ku ya fika eGezere.

1 SAMIELE 23:2

Hiloko Davhida a ya vutisa mhaka eka HOSI Xikwembu, a ku: “Xana ndzi nga ya ndzi ya hlasela Vafilista lava xana?” Kutani HOSI Xikwembu xi hlamula Davhida xi ku: “Ina, yana u ya va hlasela leswaku u ta lamulela muti wa Keyila.”

1 SAMIELE 30:8

Kwalaho Davhida a vutisa timhaka eka HOSI Xikwembu, a ku: “Xana ndzi nga wu landza ntlawa lowu wa swigevenga, xana? Ndzi ta va kuma xana?” Xikwembu xi hlamula xi ku: “Va landze; ndzi tiyisa leswaku u ta va kuma, u kutsula ni vakhomiwa!”

1 SAMIELE 17:49

A nghenisa voko exinkwamaneni, a teka ribye, a ri hoxa hi xipelupelu, a ba Mufilista emombyeni, ribye ri nghena, kutani Mufilista a wela hansi hi mombo.

Ntirho 29:3

loko rivoni ra xona ra ha ndzi voningela, ni loko xa ha ndzi fambisa nivusiku hi ku vonakala ka xona!

Pisalema 27:1

Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?