Pisalema 18:21 - BIBELE Mahungu Lamanene

²¹ hikuva ndzi fambile etindleleni ta HOSI, ni ku xi dyohela a ndzi xi dyohelanga, Xikwembu xa mina;

Xitsonga (Bibele)

²¹ Hikuva ndzi hlayisile tindlela ta Yehovha, A ndzi hundzukelangi Xikwembu xa mina.

Pisalema 18:21 Referans Kwoze

Pisalema 119:102

Swiboho swa wena a ndzi swi fularheli, hikuva hi wena u ndzi dyondziseke swona.

1 Yohane 2:19

Va sukile va hi siya, kambe a va nga ri va hina, hikuva loko a va ri va ka hina, ingi va ha ri na hina nisweswi, kambe va sukile, ku komba leswaku a hi hinkwavo va nga va hina.

Timhaka 24:16

Hikokwalaho ndzi ringeta hi matimba, masiku hinkwawo, ku kumeka ndzi ri la ntshunxekeke eripfalweni ra mina, emahlweni ka Xikwembu ne mahlweni ka vanhu.

Swivuriso 8:32

“N'wina vana, ndzi yingiseni: Ku katekile lava hlayisaka switsundzuxo swa mina.

Pisalema 26:1

We HOSI, kombisa leswaku a ndzi na nandzu, hikuva ndzi endlile leswinene ntsena; mina a ndzi tshiki ku titshembela wena.

1 Vatesalonika 2:10

Mi timbhoni ta hina, na xona Xikwembu i mbhoni: Mahanyelo ya hina eka n'wina lava pfumeleke, a ma ri lawa yo tenga ni lawa yo lulama, ma nga ri na nandzu.

Pisalema 17:4

a ndzi vulanga nchumu xo biha hi tlhelo ra leswi vanhu va swi endlaka, swiletelo swa wena, ndzi swi hlayisile.

2 TIKRONIKA 34:33

Kutani Yosiyasi a herisa swilo hinkwaswo swa manyala leswi a swi ri etikweni hinkwaro ra Israele, a lerisa vaaki hinkwavo va tiko ku gandzela HOSI Xikwembu xa vona. Loko Yosiyasi a ha hanya, Vaisraele a va tshikanga ku famba etindleleni ta HOSI, Xikwembu xa vakokwa wa vona.

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

2 TIKRONIKA 20:32

Yoxafati a hanya hi tindlela ta tata wa yena Asa, a nga ti tshiki, a ri karhi a endla leswi lulameke emahlweni ka HOSI Xikwembu.

Pisalema 7:9

Herisa ku biha ka lavo homboloka, u tiyisa lavo lulama, hikuva u Xikwembu xo lulama, wena u kambelaka timbilu ni miehleketo.

Daniele 6:23

Kutani hosi yi tsaka ku tlula mpimo, yi lerisa leswaku Daniele a humesiwa ekheleni ra tinghala; kutani loko ku endlisiwe sweswo, va kuma leswaku Daniele a nga vavisiwanga nikutsongo, hikuva a a tshembile Xikwembu xa yena.