Pisalema 18:20 - BIBELE Mahungu Lamanene

²⁰ HOSI yi ndzi nyikile leswi yelanaka ni mintirho ya mina leyo lulama; yi ndzi hakerile leswi ringanaka ni ku tenga ka mavoko ya mina,

Xitsonga (Bibele)

²⁰ Yehovha u ndzi endlile hi ku lulama ka mina, Kambe u ndzi tlherisile hi ku basa ka mavoko ya mina;

Pisalema 18:20 Referans Kwoze

Pisalema 24:4

Hi lava nga ni timbilu to basa ni mavoko lama tengeke, lava nga naveliki swilo swa hava, lava nga hlambanyiki hi ku xisa.

1 Vakorinto 3:8

Loyi a byalaka ni loyi a cheletaka va ringana, hambileswi un'wana ni un'wana a nga ta amukela hakelo ya yena hi mpimo wa ntirho wa yena.

Matewu 6:4

leswaku ku nyika ka wena ku endleriwa exihundleni; kutani Tata wa wena la vonaka exihundleni, hi yena la nga ta ku hakela.

Swivuriso 11:18

Munhu wo homboloka a nga holi swo nyawula, kasi loyi a seketelaka leswo lulama, a nga kanakani hi hakelo ya yena.

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Esaya 62:11

HOSI Xikwembu xi tivisile misava hinkwayo, xi ku: “Byelani vaaki va Yerusalema leswaku muponisi wa vona wa ta; ú ta ni hakelo leyi a yi kumeke, va nga vanhu lava a va kutsuleke; ú va rhangise emahlweni.”

Esaya 49:4

Kambe mina ndzi ku: ‘Ndzi tirhele mahala, matimba ya mina, ndzi lo tlanga hi wona, a ndzi vuyeriwanga hi nchumu. Hambiswiritano, ndzi ni ku tshemba leswaku hi wena HOSI Xikwembu u nga ta ndzi nyika tifanelo ta mina, ni hakelo ya mina, yi na wena, Xikwembu xanga.’ ”

Ntirho 22:30

Hambi va ri lava nga ni nandzu, xi ta va ntshunxa, hikwalaho ka mintirho ya wena leyi tengeke.”

Pisalema 26:6

We HOSI, ku komba leswaku a ndzi na nandzu, ndzi hlamba mavoko ya mina, kutani ndzi ya rhendzeleka alitari ya wena,

Pisalema 18:24

Hikokwalaho, HOSI yi ndzi hakerile leswi yelanaka ni ku lulama ka mina, ni ku tenga loku yi ku voneke emavokweni ya mina.

Pisalema 7:8

We HOSI, hi wena u avanyisaka vanhu; yima na mina loko u avanyisa, hikuva ndzi munhu wo lulama, ni nandzu ndzi hava.

Pisalema 7:3

We HOSI Xikwembu xanga, loko ndzi endlile leswi va swi vulaka, loko ndzi nyamisile mavoko ya mina hi mintirho ya tihanyi,

1 SAMIELE 24:17

kutani a ku ka Davhida: “Wa ndzi tlula hi ku lulama, hikuva u ndzi endlerile leswinene, kambe mina ndzi ku khome hi ndlela leyo biha.

Ntirho 36:16

“We Yobo, Xikwembu a xi ku tsavurile emakhombyeni, xi ku veka exivandleni lexi anameke, xi ku phamela swa mafurha ntsena.

Pisalema 31:9

We HOSI, ndzi twele vusiwana, hikuva ndzi le khombyeni, gome ri ndzi heta matimba emirini ni le moyeni, ni ku vona a ndza ha voni.

Pisalema 118:5

Loko ndzi ri khombyeni, ndzi huwelerile eka HOSI Xikwembu, kutani xi yingisile xikhongelo xa mina xi ndzi ntshunxa.