Pisalema 18:15 - BIBELE Mahungu Lamanene

¹⁵ Ehansi ka lwandle, ka vonaka, siku u karihelaka valala va wena, we HOSI; masungulo ya misava ma fununguriwa, siku vukari bya wena byi bulukaka.

Xitsonga (Bibele)

¹⁵ Vuento bya lwandle byi humelela, Masungulo ya misava ma hluvuleka, Hi ku holova ka wena, Yehovha! Hi ku huhutela ka moya wa tinhompfu ta wena.

Pisalema 18:15 Referans Kwoze

Pisalema 106:9

Xi tshinyile Lwandle-ro-Tshwuka, kutani ri phya, xi tsemakanyisa Vaisraele exikarhi ka swidziva onge hi loko va ri emananga.

Eksoda 15:8

“Loko u hefemutekile hi ku kariha, mati ma hlengeletanile, maboboma ma yima ma endla makhumbi, magandlati exikarhi ka lwandle ma tiya.

Mikiya 6:2

N'wina tintshava, twanani milandzu leyi HOSI Xikwembu xi lavaka ku yi boxa, ndzi vula n'wina masungulo ya misava lama nga kona hilaha ku nga heriki. HOSI Xikwembu xi ni mhaka leyi xi lavaka ku yi kanela ni vanhu va xona, xi lava ku tengisana ni Vaisraele.

Yeremiya 31:37

Siku matilo ma nga ta pimiwa, ku kumiwa ni masungulo ya misava, hi kona ndzi nga ta cukumeta Vaisraele hinkwavo, hikwalaho ka swilo hinkwaswo leswi va swi endleke. Ndzi vula sweswo mina HOSI.”

Pisalema 104:5

U tiyisile misava emasungulweni ya yona, yi nga ka yi nga tsekatseki ni siku ni rin'we.

Pisalema 76:6

We Xikwembu xa Yakobo, u lo na va tshinya, vo wela hansi ni tihanci ta vona.

Ntirho 4:9

Vukari bya Xikwembu bya va herisa, byi hunga kukota bubutsa, byi va susa.

2 SAMIELE 22:16

Ehansi ka lwandle ka vonaka, siku HOSI yi karihelaka valala va yona; masungulo ya misava ma fununguriwa, siku vukari bya yona byi bulukaka.

Pisalema 74:15

Hi wena u khulukiseke swihlovo ni swinambyana, kambe milambu leyi a yi tshama yi ri karhi yi khuluka, u yi phyisile.

2 TIHOSI 19:7

Yingisa: Ndzi ta nghenisa moya wun'wana eka yena: Ú ta twa mahungu-ndlela, kutani ú ta tlhelela etikweni ra yena; naswona ndzi ta vona leswaku a dlawa hi fumu, ekaya ka yena.’ ”

Yonasi 2:6

Ndzi mbombomerile emasungulweni ya tintshava, etikweni ra le hansi leri tinyangwa ta rona a ti lava ku ndzi pfalela hilaha ku nga heriki. Kambe wena HOSI Xikwembu xanga, u tsavurile vutomi bya mina ekheleni ra vafi.

Esaya 11:4

ú ta avanyisa timhaka ta swisiwana hi ku lulama, ni ta swikamba, ú ta ti tsema hi ndlela leyinene; nomo wa yena wu ta va nhonga yo ba vanhu va misava, loko a hefemula, lavo homboloka va ta fa.

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

1 SAMIELE 7:10

Loko Samiele a ri karhi a hisa gandzelo, Vafilista va tshinelela ku ta lwa ni Vaisraele. Kambe hi siku rero, HOSI Xikwembu xi balekisa tilo xi ri dumisa swinene ehenhla ka Vafilista, xi va hlanganisa tinhloko, kutani va tsutsuma, Vaisraele va ri karhi va va hlalela.

Ntirho 36:32

Xi rhanga xi fihla rihati emandleni ya xona, kutani xi ri lerisa ku ya ba endhawini yo karhi,

Pisalema 77:18

Tilo a ri baleka swinene, ku ba xihuhuri, rihati ri voninga misava hinkwayo, kutani yi ninginika hi ku chava.

Pisalema 92:10

Kambe mina u ndzi nyikile matimba ya nyarhi, u ndzi totile mafurha layo nun'hwela enhlokweni.

Pisalema 144:6

Vangamisa rihati u hlongorisa valala, va cope hi miseve ya wena u va hangalasa.

Zakariya 9:14

HOSI Xikwembu xi ta vonaka ehenhla ka valala, xi va tlhava hi miseve ya rihati. N'wini wa hinkwaswo ú ta chaya nanga, a ta hi xidzedze xa le dzongeni.