Pisalema 17:13 - BIBELE Mahungu Lamanene

¹³ Suka u yima, we HOSI! Va hlanganise, u va wisela ehansi. Ndzi lwele hi fumu ra wena eka vanhu lava vo homboloka.

Xitsonga (Bibele)

¹³ Pfuka, Yehovha, u va rhangela emahlweni, u va wisa! U ponisa moya wa mina hi tlhari ra wena eka lavo homboloka;

Pisalema 17:13 Referans Kwoze

Pisalema 44:26

Suka u yima u hi lamulela! Hi kutsule hikwalaho ka rirhandzu ra wena lero tshembeka.

Pisalema 44:23

We N'wini wa hina, suka u yima, u nga etleri! Phaphama, u nga hi cukumeteli makumu.

Pisalema 7:6

We HOSI, suka u yima u hlundzukile, tlakuka u tela valala va mina lava levaka; pfuka u ndzi lwela, wena u lavaka leswaku timhaka ti avanyisiwa hi ku lulama.

Pisalema 3:7

Pfuka, we HOSI! Xikwembu xanga, ndzi ponise, wena u baka valala va mina hinkwavo emarhameni, wena u tshovaka meno ya lavo homboloka!

Timhaka 4:28

va hlangene ku endla hinkwaswo leswi u swi boheke khale, hi ntamu wa wena ni makungu ya wena, leswaku swi ta humelela.

Pisalema 22:20

Ndzi ponise enyimpini leyi, u kutsula vutomi bya mina emilon'weni ya timbyana leti.

Habakuku 1:12

Xana a hi wena la nga HOSI ku sukela emasungulweni ya hinkwaswo xana, wena Xikwembu xanga ni Muhlawuleki wanga, wena la nga riki na ku fa, xana? Wena HOSI, u hlawurile Vakalediya ku hi avanyisa; wena Ribye ra masungulo, u va vekile ku hi tshinya.

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?

Esaya 37:26

“ ‘Xana a wu swi twanga xana, wena Senakeribi, leswaku mina HOSI ndzi lulamisile timhaka leti ka ha ri khale, ni ku ti boha ku sukela minkarhini leyi hundzeke, xana? Kutani sweswi, makungu ya mina ma karhi ma humelela, swi nga leswi u swi endleke loko u herisa miti ya makhokholo, yi hundzuka marhumbi.

Esaya 13:5

Va ta hi le matikweni ya le kule, va huma evugimamusi. HOSI Xikwembu xi tirhisa vona ku hlasela lava xi va hlundzukeleke, xi herisa tiko hinkwaro.

Esaya 10:15

Xana xihloka xi nga kulela loyi a tsemaka ha xona, kumbe saha yi tivona yi ri ni matimba ku tlula loyi a tirhaka ha yona, xana? Leswi swi nga fana ni loko nkhavi wu ndzuluta loyi a wu khomeke, kumbe nhonga yi tlakula n'wini wa yona, loyi a nga riki mhandze!

Esaya 10:5

HOSI Xikwembu xi ri: “Vaasiriya i nhonga leyi ndzi yi tirhisaka loko ndzi karihile, loko ndzi hlundzukile, hi wona nkhavi wa mina!

Pisalema 119:126

We HOSI, nkarhi wa wena wa ku tirha wu fikile, lwana ni lava tlulaka nawu wa wena.

Pisalema 10:12

Pfuka, we Hosi; komba matimba ya wena, we Xikwembu! U nga tshuki u rivala lava xanisekaka.

Pisalema 94:16

Xana i mani loyi a nga yimaka na mina a lwa ni lavo homboloka xana? Loyi a nga ndzi seketelaka a lwa ni lavo biha i mani xana?