Pisalema 16:3 - BIBELE Mahungu Lamanene

³ Loko swi ri swikwembu leswi va nge “swi hlawulekile” laha tikweni, ni leswi va nge “swi ni matimba”, leswi khale a ndzi swi tsakela, ndzi ri,

Xitsonga (Bibele)

³ Vahlawuriwa lava nga emisaveni, Vanhu va vukhongeri, hi valavo ndzi va rhandzaka ngopfu.

Pisalema 16:3 Referans Kwoze

Vaheveru 6:10

Hikuva Xikwembu a xi na mona, xi nga ka xi nga rivali ntirho wa n'wina ni rirhandzu leri mi ri kombeke hi vito ra xona, hi ku tirhela vahlawuriwa va xona, hilaha mi swi endlaka hakona nisweswi.

Swivuriso 13:20

Loyi a tolovelanaka ni lavo tlhariha, wa tlhariha, kambe munghana wa swiphunta, ú ta wela ekhombyeni.

Swivuriso 12:26

Lowo lulama ú hambana ni leswo biha, kasi mikhuva ya lavo homboloka ya va lahla.

2 TIKRONIKA 6:41

“We HOSI Xikwembu, tana ni Areka leyi ntamu wa wena wu tikombaka ha yona, u nghena na yona ekaya ka wena. Nyika vaprista va wena matimba yo ponisa vanhu, malandza ya wena a ma tsakisiwe hi vunene bya wena.

Timhaka 9:13

Ananiya a hlamula, a ku: “Hosi, ndzi twile lavo tala va vulavula hi munhu loyi, ni leswaku ú endlile leswo biha ngopfu eka vahlawuriwa va wena le Yerusalema.

Malakiya 3:17

Kutani HOSI ya matimba hinkwawo yi ku: “Vanhu lava va ta va va mina; va ta va ndzhaka ya mina leyo hlawuleka siku ndzi nga ta avanyisa misava. Ndzi ta va tsetselela ku fana ni mutswari, loko a tsetselela n'wana wa yena loyi a n'wi tirhelaka.

Esaya 62:4

A wu nga ha vuriwi “Ntshikiwani”, ni tiko ra wena a ri nga ha vuriwi “N'wa-Marhumbi”, kambe va ta ku, hi we “Murhandziwani”, ni tiko ra wena va ta ri thya vito ra “Nkandza-vukati”, hikuva HOSI Xikwembu xi ta tlhela xi ku rhandza, xi va nuna wa tiko ra wena.

Swivuriso 8:31

A ndzi tiphina emisaveni ya xona, ndzi titsakela ni vanhu hinkwavo.

Pisalema 119:63

Ndzi twanana ni hinkwavo lava va ku chavaka, lava hlayisaka swiletelo swa wena.

Pisalema 116:15

Eka HOSI Xikwembu, rifu ra loyi a xi khongelaka a hi mhaka leyitsongo.

Pisalema 101:6

Vaaki va tiko lavo tshembeka, ndzi ta va tsakela, ndzi va rhurhela emutini wa mina; vanhu va mahanyelo lamanene, hi vona lava ndzi nga ta va hlawula leswaku va ndzi tirhela.

Pisalema 30:4

Yimbelelani mi dzunisa HOSI, n'wina lava mi yi tshembaka, yi tlangeleni mi twarisa vito ra yona lero hlawuleka,

Tito 3:8

Mhaka leyi yi tiyile. Kutani ndzi lava leswaku u tiyisa timhaka leti swinene, leswaku lava pfumeleke eka Xikwembu, va lava tindlela ta ku tinyiketa, va tirha mintirho leyinene. Hi swona leswi nga swinene, leswi pfunaka vanhu.

Vaefesa 1:1

Mina Pawulo, muapostola wa Kriste Yesu hi ku rhandza ka Xikwembu, ndzi tsalela vahlawuriwa va Xikwembu [lava nga le Efesa], lava tshembekaka eka Kriste Yesu, ndzi ri:

Vagalatiya 6:10

Hikokwalaho, minkarhi hinkwayo loko swi koteka, a hi endleleni vanhu hinkwavo leswinene, ngopfu-ngopfu va ndyangu wa lava pfumeleke.

Risimu ra Tinsimu 7:10

Mina ndzo va wa murhandziwa, na yena ú navela mina ntsena.

Pisalema 122:8

Hikwalaho ka vamakwerhu ni vanakulorhi, ndzi ta ku: “Ku rhula a ku ve na wena Yerusalema!”