Pisalema 15:5 - BIBELE Mahungu Lamanene

⁵ A nga lavi ntswalo, loko a lombile munhu emali, ú ala ni ku xaviwa leswaku a dlayisa la nga riki na nandzu. La endlisaka sweswo a nga ka a nga tsekatsekisiwi ni siku ni rin'we.

Xitsonga (Bibele)

⁵ A nga lombi mali ya yena hi bindzu, Kambe a nga amukeri tinyiko, a ta avanyisa la nga riki na nandzu. La endlaka sweswo a nga ka a nga tsekatsekisiwi, ni siku ni rin'we.

Pisalema 15:5 Referans Kwoze

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

Eksoda 22:25

“Loko mi lomba un'wana wa vanhu va mina loyi mi nga na yena wa xisiwana emali, mi nga tshuki mi n'wi sala ndzhaku kukota lava bindzulaka hi ku lombisa mali, naswona mi nga lavi ntswalo wa mali leyi mi yi lombeke xisiwana lexi.

Ezekiele 22:12

Exikarhi ka vanhu va wena, ku ni lava nyikiwaka mali leswaku va ya dlaya warikwavo. Loko u lombisa mali, u lava ntswalo wa yona, u bindzula ha yona; u kanganyisa varikwenu, u va tekela swa vona, kambe mina wa ndzi rivala! Ndzi vula sweswo mina HOSI.

Ezekiele 18:8

Loko a lombisa mali, a nga lavi ntswalo wa yona, a nga bindzuli ha yona. Ú chava ku endla leswo homboloka; timhaka ta vanhu, wa ti tsema hi ku lulama.

Yohane 13:17

Loko mi tiva swilo leswi, mi tlhela mi swi endla, mi ta va mi katekile.

Swivuriso 12:3

Munhu wa mintirho yo homboloka, a nga hlweli ku wela hansi, kasi munhu wo lulama ú ni timitsu leti nga simulekiki.

Pisalema 112:6

Munhu wo lulama a nga tsekatsekisiwi hi nchumu, vanhu a va nga n'wi rivali ni siku ni rin'we.

Pisalema 106:3

Ku katekile lava hlayisaka nawu wa yona, lava endlaka leswi lulameke minkarhi hinkwayo.

Pisalema 55:22

Andlala timhaka ta wena emahlweni ka HOSI Xikwembu, kutani xona xi ta ku seketela; xi nga ka xi nga pfumeli leswaku lowo lulama a tsekatsekisiwa, ni siku ni rin'we.

Pisalema 16:8

Minkarhi hinkwayo, ndzi rhangisa HOSI emahlweni ka mina; ndzi nga ka ndzi nga tsekatseki, hikuva yi le vokweni ra mina ra xinene.

Matewu 26:15

a ku: “Mi ta ndzi nyika yini, loko ndzi mi nyiketa yena ke?” Kutani va n'wi humesela mali yo ringana tisilivhere ta 30.

Mikiya 7:3

Loko va endla leswo biha, va tikarhata swinene, vafumi va lerisa, vaavanyisi va lava ku xaviwa, lavo chaviseka va vula leswi va tsakelaka swona, kutani hinkwavo va pfunana ku luka mano.

Ezekiele 18:27

Kambe loko munhu wo homboloka a hambana ni mintirho ya yena leyo biha, kutani a sungula ku endla leswi nga swona, swi nga leswo lulama, munhu yoloyi ú ta ponisa vutomi bya yena, a kuma ku hanya.

Ezekiele 18:17

Ú chava ku endla leswo homboloka; loko a lombisa mali, a nga lavi ntswalo wa yona, a nga bindzuli ha yona. Ú hlayisa milawu ya mina ni switsundzuxo swa mina, a hanya ha swona. Munhu wo tano a nge feli swidyoho swa tata wa yena; hakunene, ú ta kuma ku hanya.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Eksoda 22:24

kutani ndzi ta pfurha hi ku hlundzuka, ndzi mi vangela tinyimpi leswaku mi dlayiwa, vasati va n'wina va ta hundzuka tinoni, vana va n'wina va sala va nga ha ri na vatatana.

Duteronoma 23:21

“Loko mi tiboha hi ku hlambanya ku humesela HOSI Xikwembu xanchumu, mi nga tsandzeki ku humesa xilo xa kona, hikuva loko swi nga vi tano, HOSI Xikwembu xi ta xi lava, kutani mi tikuma mi ri enandzwini.

1 SAMIELE 12:3

Hi mina loyi! Loko ndzi mi hoxerile, vulani sweswi emahlweni ka HOSI Xikwembu, ni le mahlweni ka Sawulo muhlawuriwa wa xona. Xana i mani loyi ndzi tshamaka ndzi n'wi tekela homu ya yena kumbe mbhongolo ya yena xana? Xana ndzi dyelerile mani? I mani loyi ndzi n'wi xaniseke xana? Xana ndzi amukerile mali eka mani yo ndzi pfala nomo xana? Loko a ri kona ndzi nga n'wi tlherisela.”

Swivuriso 10:30

Munhu wo lulama a nga ka a nga rhurhisiwi, kambe lavo homboloka va ta susiwa etikweni.

Swivuriso 15:27

Munhu loyi a nga ni makwanga, ú vangela muti wa yena ekhombo, kambe loyi a alaka ku xaviwa, ú ta hanya.