Pisalema 15:2 - BIBELE Mahungu Lamanene

² I munhu wa mahanyelo layo tenga loyi a endlaka leswi lulameke, la vulaka leswi tiyeke hilaha swi nga hakona embilwini ya yena.

Xitsonga (Bibele)

² Hi la hanyaka eku lulameni, a endla leswi lulameke, Kutani a vula leswi tiyeke hilaha swi nga kona embilwini ya yena.

Pisalema 15:2 Referans Kwoze

Swivuriso 28:18

Munhu loyi a tshembekeke endleleni ya yena, ú ta hlayiseka, kasi loyi a lavaka ku famba hi tindlela timbirhi hi nkarhi wun'we, ú ta hatla a wa.

Vakolosa 3:9

Mi nga hembelani, leswi mi hluvuleke hanyelo ra n'wina ra khale ni mintirho ya rona;

Vaefesa 4:25

Hikokwalaho ke, tshikani vunwa; un'wana ni un'wana a a vule ntiyiso eka munhu-kulobye, hikuva hinkwerhu hi swirho swa miri wun'we.

1 Yohane 3:7

Vana vanga, mi nga pfumeli ku xisiwa hi munhu ni un'we. Loyi a endlaka leswo lulama ú lulamile, kukota leswi Kriste a lulameke.

1 Yohane 2:6

Loyi a vulaka leswaku ú tshame ka xona, ú fanele ku hanya hi mukhuva lowu na yena Yesu a hanyeke ha wona.

Vaefesa 2:10

Hikuva hina hi vumbiwile hi Xikwembu, kutani, eka Kriste Yesu, Xikwembu xi hi vumbele ku tirha mintirho leyinene, leyi xi hi lunghiseleke yona khale, leswaku hi ta endla yona.

Timhaka 10:35

kambe, ematikweni hinkwawo, loyi a xi chavaka a vuya a endla leswi lulameke, xa n'wi tsakela.

Mikiya 2:7

Xana va ka Yakobo va rhuketeriwile hi Xikwembu xana? HOSI Xikwembu xa hela mbilu ke? Xi tirhisa sweswo ke? Xana marito ya xona a hi lawa ya pfunaka, loko munhu a hanya hi ndlela yo lulama xana?”

Pisalema 24:4

Hi lava nga ni timbilu to basa ni mavoko lama tengeke, lava nga naveliki swilo swa hava, lava nga hlambanyiki hi ku xisa.

Vaheveru 11:33

Vanhu lava, hi mhaka ya ku pfumela, va hlurile matiko; va avanyisile hi ku lulama, va kumile leswi a va tshembisiwile swona; va pfarile milomo ya tinghala.

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Vagalatiya 2:14

Kambe loko ndzi vonile leswaku leswi a va swi endla a swi nga fambelani ni ntiyiso wa Evhangeli, ndzi byerile Petro emahlweni ka vona hinkwavo, ndzi ku: “U Muyuda wena hi ku velekiwa, kambe u hanya hi mukhuva wa vamatiko, ku nga ri wa Vayuda; hikwalaho ka yini u sindzisa vamatiko ku hanya hi mukhuva wa Vayuda ke?”

Varhoma 2:10

kambe ku kwetsima, ni ku dzuneka, ni ku rhula, ku ta nyikiwa hinkwavo lava endlaka leswinene, ku sungula hi Vayuda, ku yisa ni ka vamatiko;

Nhlavutelo 21:8

Kambe loko ma ri matoya, ni lava alaka ku pfumela, ni lava endlaka swa manyala, ni vadlayi, ni vaoswi, ni vangoma, ni lava gandzelaka swikwembu swa hava, ni vahembi hinkwavo, xa vona ku ta va ku hoxiwa etiveni leri pfurhaka hi ndzilo ni xivavula, ri nga rona rifu ra vumbirhi.

1 Yohane 2:29

Loko mi tiva leswaku ú lulamile, mi nga kholwa swinene leswaku un'wana ni un'wana loyi a endlaka leswo lulama, ú tswariwe hi yena.

Luka 1:6

Ha vambirhi a va lulamile emahlweni ka Xikwembu, a va famba emilawini hinkwayo ya Hosi ni le swilerisweni swa yona, va ri hava xisolo.

Esaya 63:8

HOSI Xikwembu xi te: “Lava i vanhu va mina hakunene, va nga ka va nga ndzi kanganyisi!” Hikokwalaho, xi vile muponisi wa vona

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Swivuriso 20:7

Munhu wo lulama loyi a endlaka leswi lulameke, ú siyela vana va yena ndzhaka ya minkateko.