Pisalema 148:8 - BIBELE Mahungu Lamanene

⁸ wena ndzilo na wena xihangu, wena gamboko na wena gwitsi, hambi a ri wena xidzedze, wena u endlaka ku rhandza ka xona.

Xitsonga (Bibele)

⁸ Ndzilo ni xihangu; gamboko ni tihunguva, Mimoya ya xidzedze leyi hetisaka ku lerisa ka yena.

Pisalema 148:8 Referans Kwoze

Nhlavutelo 16:21

Xihangu lexikulu xa maribye yo tika ngopfu, xi wela vanhu hi le tilweni, va ko va rhuketela Xikwembu hi mhaka ya ntungu wa xihangu. Ntungu wa kona a wu chavisa ngopfu.

Yonasi 1:4

Kambe HOSI Xikwembu xi hungisa mheho leyikulu elwandle, ku pfuka xidzedze lexikulu, ngalava yi kondza yi lava ku tshoveka.

Amosi 7:4

Kutani HOSI N'wini wa hinkwaswo a tlhela a ndzi komba leswi hi xivono: A a ri karhi a tilulamisela ku tshinya vanhu hi ndzilo, wu phyisa xidziva lexikulu ehansi ka misava, kutani wu sungula ni ku herisa tiko.

Amosi 4:13

Tivani leswi: Loyi a vumbeke tintshava, a tumbuluxeke ni mheho, loyi a tivisaka makungu ya yena eka vanhu, loyi a hundzulaka nhlekanhi wu va vusiku, loyi a famba-fambaka eswivandleni leswi tlakukeke swa misava, vito ra yena i HOSI, Xikwembu xa matimba hinkwawo.

Yuwele 2:30

“Ndzi ta endla swihlamariso etilweni ni la misaveni: Ku ta vonaka ngati, ni ndzilo, ni papa ra musi.

Esaya 66:16

Hinkwavo lava nga ta kumeka va ri ni nandzu loko HOSI Xikwembu xi avanyisa vanhu, va ta dlayiwa hi ndzilo ni fumu, ku ta fa vanhu vo tala swinene.

Pisalema 103:20

Nkhensani HOSI Xikwembu n'wina tintsumi ta xona, n'wina tinhenha ta matimba leti yingisaka rito ra xona ti hanya ha rona.

Pisalema 18:12

Rihati ri vangama emahlweni ka yona emapapeni, ku huma xihangu ni makala lama vuvumelaka;

Yoxuwa 10:11

Loko va rhelela exiphandzeni xa Beta-Horoni va ri karhi va tsutsuma va chava Vaisraele, HOSI Xikwembu xi va wisela xihangu lexikulu ku kondza va ya fika le Azeke, xi ri karhi xi va dlaya. Lava va nga fa hi xihangu a va tele ku tlula lava vavanuna va Israele va va dlayeke hi fumu.

Tinhlayo 16:35

Kutani HOSI Xikwembu xi xikisa ndzilo wa xona wu hisa lava 250 lava humeseke mirhi ya risuna, va fa.

Levhitika 10:2

Hiloko ku ta ndzilo lowu humaka eka HOSI Xikwembu, wu fika wu va hisa, va fela kwalaho mahlweni ka HOSI Xikwembu.

Eksoda 14:21

Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Eksoda 10:19

Hiloko HOSI Xikwembu xi tlherisa moya, xi wu hungisa wu huma evupeladyambu, wu vunga tinjiya wu ya ti chela eka Lwandle-ro-Tshwuka; ematlhelweni hinkwawo ya tiko ra Egipta, a ku salanga ni njiya ni yin'we.

Eksoda 10:13

Hiloko Muxe a tlakusela nhonga ya yena ehenhla ka tiko ra Egipta; kutani HOSI Xikwembu xi hungisa moya wo huma evuxeni; wu hunga siku ra kona hinkwaro ni vusiku hinkwabyo. Loko ri xa, moya lowu a wu nghenisile tinjiya.

Genesa 19:24

Hiloko HOSI Xikwembu xi nisa ndzilo ni xivavula, swi huma eka xona etilweni, swi wela ehenhla ka miti ya Sodoma na Gomora.

Ntirho 37:12

xi ma rhendzelekisa-rhendzelekisa hi ku ya hi makungu ya xona, ma yingisa swileriso swa xona hinkwaswo, ematlhelweni hinkwawo ya ntumbuluko.

Yonasi 1:5

Vatluti va chava ngopfu. Un'wana ni un'wana wa vona a huwelela eka xikwembu xa yena. Kutani va hunguta ku tika ka ngalava hi ku hoxela mindzhwalo ya vona elwandle. Loko a ri Yonasi, a a khomiwe hi vurhongo lebyikulu endzeni ka ngalava, lomu a a rhelerile ku ya etlela kona.