Pisalema 147:6 - BIBELE Mahungu Lamanene

⁶ Xi pfuxa lava xanisiwaka, kambe lavo homboloka xi va wisela hansi.

Xitsonga (Bibele)

⁶ Yehovha u pfuxa lava titsongahataka, U tsongahata lavo biha ku fika ehansi.

Pisalema 147:6 Referans Kwoze

Pisalema 25:9

Xi dyondzisa lava titsongahataka ku endla leswo lulama, xi va komba ni tindlela ta xona.

1 Petro 5:6

Hikokwalaho, titsongahateni ehansi ka voko ra matimba ra Xikwembu, leswaku hi nkarhi wa kona xi ta mi tlakusa.

Yakobo 4:10

Titsongahateni emahlweni ka Hosi, kutani yona yi ta mi tlakusa.

Sofoniya 2:3

Lavani HOSI Xikwembu, n'wina hinkwenu lava titsongahataka, n'wina mi endlaka ku rhandza ka xona; lavani leswo lulama, mi va ni xichavo, kumbe xana mi ta pona esikwini ra ku kariha ka HOSI.

1 SAMIELE 2:8

HOSI yi humesa xisiwana entshurini, yi pfuxa mupfumari etaleni, yi va tshamisisa ni tinganakana, va nyikiwa xiyimo xa vuchaviseki, hikuva masungulo ya misava i ya HOSI, yi akile ntumbuluko ehenhla ka wona.

1 Petro 3:4

Ku tibombisa ka n'wina, a ku ve ka vumunhu bya n'wina lebyi nge xihundleni xa mbilu; a ku ve ka moya lowu nga onhakiki wa ku olova ni ku rhula, lowu nga ni nkoka lowukulu emahlweni ka Xikwembu.

Matewu 5:5

Ku katekile lavo rhula, hikuva va ta dya ndzhaka ya misava.

Pisalema 149:4

HOSI Xikwembu xi tsakela vanhu va xona, lava titsongahataka xi va hlulela valala.

Pisalema 145:14

HOSI Xikwembu xi pfuxa hinkwavo lava khunguvanyekeke, lava tshikeleriwaka xi va kutsula hinkwavo.

Pisalema 55:23

We Xikwembu, u ta va hoxa ekheleni ra rifu; vanhu lava vo tsakela ku halata ngati ni ku kanganyisa, va ta hunguteriwa malembe ya vona ya ku hanya, kambe mina ndzi ta titshembela wena ntsena.

Pisalema 37:11

Kambe lava titsongahataka va ta kuma tiko ra vona, va ta dya mihandzu ya rona leyo tala va tiphina.

Pisalema 41:13

A ku nkhensiwe HOSI Xikwembu xa Israele, sweswi ni hilaha ku nga heriki. Amen! Amen!

Malakiya 4:3

Mina HOSI ya matimba hinkwawo ndzi ri: Siku leri ndzi nga ta avanyisa misava, lavo homboloka mi ta va kandziyela ku fana ni loko mi kandziyela nkuma.”