Pisalema 147:3 - BIBELE Mahungu Lamanene

³ Xi horisa lava vavisekaka timbilu, xi bohelela timbanga ta vona.

Xitsonga (Bibele)

³ U horisa lava timbilu leti tlhaviweke, U bohelela timbanga ta vona.

Pisalema 147:3 Referans Kwoze

Pisalema 34:18

HOSI Xikwembu xi le kusuhi ni vanhu lava timbilu ta vona ti nga eku vavisekeni, xi ponisa lava mimoya ya vona yi tshovekeke.

Ntirho 5:18

Loko xi boxa munhu timbanga xi tlhela xi bohelela, lava xi va baka, xi tlhela xi va horisa.

Yeremiya 33:6

Hambiswiritano, ndzi ta tisela va le Yerusalema ku tsaka ni ku hanyisiwa, ndzi ta va horisa, ndzi va avela rifuwo ni ku rhula loku tiyeke.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Pisalema 51:17

We Xikwembu, ganzelo leri u ri amukelaka i moya lowu vavisekeke; we Xikwembu, mbilu leyi tlhavekeke, leyi nga ni gome, a wu nga yi fularheli.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Ezekiele 34:16

Ndzi ta lava leti lahlekeke, ndzi vuyisa leti nga hambuka endleleni: ndzi ta bohelela leti khwitaka, ndzi tiyisa leti tsaneke, kambe leti noneke ni leti tiyeke, ndzi ta vona leswaku ti nga karhati letin'wana. Eku riseni ka mina, ndzi ta tirha hi ku lulama!

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Pisalema 34:19

Munhu wo lulama u hlangana ni miringo leyo tala, kambe HOSI Xikwembu xi n'wi hlulela yona hinkwayo;