Pisalema 147:14 - BIBELE Mahungu Lamanene

¹⁴ Xi tisa ku rhula etikweni ra wena, xi ku phamela leswo nandziha u dya u xurha.

Xitsonga (Bibele)

¹⁴ U veka ku rhula emindzilekaneni ya wena, U ku xurhisa hi mongo wa koroni.

Pisalema 147:14 Referans Kwoze

Pisalema 81:16

Kambe n'wina a ndzi ta mi phamela vuswa bya xibasa, ni vulombe byo huma ebakweni ra maribye, mi dya byona mi xurha.”

Pisalema 29:11

A xi tiyise vanhu va xona, xi va nyika minkateko ni ku rhula.

Pisalema 132:15

Muti lowu ndzi ta wu katekisa ngopfu ndzi wu nyika swakudya, swisiwana leswi nga ka wona swi ta dya swi xurha.

Duteronoma 32:14

Xi va nyikile phehlwa ni ntswamba wa swifuwo leswikulu ni leswitsongo, ni mafurha ya swinyimpfana ni ya makhuna, ni tihomu ta Baxani, ni tinyimpfu ta kona, ni koroni leyo saseka swinene, va nwa ni vhinyo yo tsokombela ya masimu ya vona.

Zakariya 9:8

Ndzi ta rhendzela yindlu ya mina ndzi yi sirhelela, leswaku mavuthu ma nga ha hundza-hundzi eka yona; nala a nga ka a nga ha ngheni a hlasela vanhu va mina, hikuva sweswi ndzi mulanguteri wa vona.”

Esaya 66:12

HOSI Xikwembu xi vurisa sweswo xi ri: “Vonani, ndzi ta mi nyika rifuwo lero tala swinene; xuma xa vamatiko xi ta khuluka xi ta ka n'wina ku fana ni nambu lowu hobomulanaka; mi ta fana ni n'wana loyi mana wa yena a n'wi tlakulaka, a n'wi xinga, a n'wi mamisa.

Pisalema 122:6

Khongelelani muti wa Yerusalema, mi wu kombelela ku rhula mi ku: “Lava va ku rhandzaka a va kume ku tsaka!”

1 TIKRONIKA 22:9

Kambe u ta kuma n'wana wa xinuna la nga ta va munhu wa ndzhuti, wa ku rhula. Vaaki va matiko lama vandzakaneke na yena a va nga ha n'wi pfuki; ú ta thyiwa vito ra Solomoni (hileswaku “la rhuleke”). Enkarhini wa ku fuma ka yena, ndzi ta nyika Vaisraele ku rhula ni ku tshamiseka.

Levhitika 26:6

Ndzi ta endla leswaku ku va na ku rhula etikweni, kutani loko mi etlele, a mi nga chavisiwi hi nchumu; hambi swi ri swiharhi leswo dlaya ndzi ta swi susa etikweni, ni tinyimpi a ti nga mi ngheneli.

Ezekiele 27:17

Va ka Yuda ni Vaisraele a va xaviselana swilo na wena, va xava nhundzu eka wena hi koroni ya le Miniti, ni mapa, ni vulombe, ni mafurha, ni mirhi yo tola.

Pisalema 132:11

HOSI Xikwembu xi nga ka xi nga tlheleli ndzhaku; xi hlambanyele Davhida xi tiyisa xi ku: “Ndzi ta veka un'wana wa vana va wena exiluvelweni xa vuhosi.

Ezekiele 16:13

Ndzi ku bombisile hi nsuku ni silivhere; swiambalo swa wena a swi ri swa ntsembyani wo saseka, swin'wana a swi ri swa silika swi rhungeleriwile mavalavala. Swakudya swa wena a swi ri swa mapa lamanene, swi totiwile vulombe ni mafurha. U kurile u va mbhurhi ya wanhwana, loyi swi n'wi faneleke ku tekiwa hi tihosi.