Pisalema 146:9 - BIBELE Mahungu Lamanene

⁹ HOSI Xikwembu xi hlayisa valuveri, xi tikarhatela swisiwana ni tinoni, kambe xi hingakanya tindlela ta lavo homboloka.

Xitsonga (Bibele)

⁹ Yehovha u lwela vamatiko, U hlayisa xisiwana ni noni; Kambe u hambanyisa ndlela ya vakanganyisi.

Pisalema 146:9 Referans Kwoze

Pisalema 68:5

Tata wa lava pfumalaka vatswari ni musirheleli wa tinoni, i Xikwembu lexi tshamaka exivandleni lexo hlawuleka.

Pisalema 147:6

Xi pfuxa lava xanisiwaka, kambe lavo homboloka xi va wisela hansi.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Yeremiya 49:11

‘Mi nga vileli hi swisiwana swa n'wina, hikuva ndzi ta swi hlayisa; na tona tinoni ta n'wina a ti ndzi tshembe!’ ”

Swivuriso 15:25

HOSI Xikwembu xi mbundzumuxa miti ya lava tikurisaka, kambe xi sirhelela noni ni swilo swa yona.

Yakobo 1:27

Vukhongeri lebyi tengeke, lebyi nga solekiki emahlweni ka Xikwembu Tatana, hi lebyi: Ku endzela lava feriweke hi vatswari, ni ku endzela tinoni emaxangwini ya tona, ni ku papalata swilo leswi nyameke swa misava leyi.

Swivuriso 4:19

Kambe mahanyelo ya lavo homboloka i xinyami lexikulu, ni leswi swi va khugulaka, a va swi tivi!

Pisalema 145:20

HOSI Xikwembu xi hlayisa hinkwavo lava va xi rhandzaka, kambe xi ta herisa lavo homboloka hinkwavo.

1 Vakorinto 3:19

Hikuva vutlhari bya misava leyi i vuhunguki emahlweni ka Xikwembu. Ku tsariwile va ku: “Xikwembu xi phasa tintlhari emanweni ya tona.”

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Pisalema 18:26

U komba ku tenga ka wena eka loyi a tengeke; kambe u komba ku tlhariha ka wena eka loyi a endlaka leswo homboloka.

Estere 9:25

kambe loko Estere a yile eka hosi, yi humesile xileriso lexi tsariweke, leswaku makungu lawa yo biha lawa Hamani a a ma endlerile Vayuda, ma tlhela ma vangela yena n'wini wa wona ekhombo, ni leswaku yena Hamani ni vana va yena va hayekiwa etimhandzeni.

Estere 7:10

Hosi yi ku: “Hayekani yena Hamani eka tona!” Kutani va hayeka Hamani etimhandzeni leti a a ti dzimerile ku hayeka Mordekayi eka tona. Kutani vukari bya hosi byi vohla.

Estere 5:14

Hiloko nsati wakwe Zerexa ni vanghana va yena hinkwavo va ku ka yena: “A ku dzimiwe timhandze to leha 25 m, kutani mundzuku u kombela eka hosi leswaku Mordekayi a hayekiwa eka tona, kutani wena u ta ya na hosi enkhubyeni, u titsakerile.” Xitsundzuxo lexi xi tsakisa Hamani, kutani a lerisa leswaku timhandze ti dzimiwa.

2 SAMIELE 17:23

Loko Ahitofele a vonile leswaku switsundzuxo swa yena a swi amukeriwanga, a bohelela xitshamu embhongolweni a gada, a ya ekaya karikwavo; a fika a lulamisa swa ndyangu wa yena hinkwaswo, kutani a tihinga, a fa; va ya n'wi lahla emasirheni ya vatata wa yena.

2 SAMIELE 15:31

Hosi Davhida a twa leswaku Ahitofele ú le xikarhi ka ntlawa wa Abixalomu lowu hlungaka vuhosi, kutani a khongela HOSI Xikwembu, a ku: “We HOSI, endla leswaku switsundzuxo leswi nga ta huma eka Ahitofele, swi hundzuka swa hava.”

Duteronoma 16:11

Loko mi ri endhawini leyi HOSI Xikwembu xa n'wina xi nga ta yi hlawula leswaku vito ra xona ri gandzeleriwa eka yona, mi fanele ku tsaka, n'wina ni vana va n'wina va xinuna ni va xisati, ni malandza ya n'wina ya xinuna ni ya xisati, ni Valevhi lava tshamaka emitini ya n'wina, ni valuveri, ni lava pfumalaka vatswari, ni tinoni leti tshamaka emitini ya n'wina.

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.