Pisalema 146:8 - BIBELE Mahungu Lamanene

⁸ HOSI Xikwembu xi pfula mahlo ya lava nga voniki, lava tshikeleriwaka xa va kutsula, xi rhandza vanhu lava lulameke.

Xitsonga (Bibele)

⁸ Yehovha u kutsula lava khomiweke; Yehovha u hanyanyisa mahlo ya lavo fa mahlo, U olola lava korhamisiweke. Yehovha u rhandza lavo lulama.

Pisalema 146:8 Referans Kwoze

Pisalema 11:7

Kambe HOSI yi rhandza mintirho leyo lulama, hikuva yona yi lulamile; lava tengeke va ta vona mombo wa yona.

Pisalema 145:14

HOSI Xikwembu xi pfuxa hinkwavo lava khunguvanyekeke, lava tshikeleriwaka xi va kutsula hinkwavo.

Matewu 9:30

Kutani mahlo ya vona ma pfuleka. Yesu a va laya ngopfu, a ku: “Tivoneleni leswaku swi nga tshuki swi tiviwa hi munhu!”

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaefesa 1:18

Ndzi kombela leswaku miehleketo ya n'wina yi pfuleka, mi ta tiva leswaku ku tshemba loku xi mi vitanelaka kona hi loku ko yini, ni leswaku ku tala ka ndzhaka ya xona leyo saseka ngopfu leyi tshembisiwaka vahlawuriwa va xona, hi loku ko yini,

2 Vakorinto 7:6

Kambe Xikwembu lexi chavelelaka lava heleke matimba, xi ndzi chavelerile hi ku fika ka Tito;

Yohane 16:27

hikuva Tatana hi xiviri xa yena wa mi rhandza. Ú mi rhandza hikuva mi ndzi rhandzile, mi va mi pfumela leswaku ndzi huma eka Xikwembu.

Matewu 11:5

Lavo-fe-mahlo va tlhela va vona, swilema swa famba, vanhlokonho va basisiwa, lavo-fe-tindleve va twa, vafi va pfuka, swisiwana swi byeriwa Mahungu Lamanene.

Esaya 35:5

Enkarhini wolowo, mahlo ya lava nga voniki ma ta pfuleka, ni lava nga twiki va ta pfuleka tindleve,

Esaya 42:16

Vanhu lavo ka va nga voni lava, ndzi ta va fambisa hi ndlela leyi va nga yi tiviki, ndzi ta va tisa hi mabudula lawa va nga si tshamaka va famba ha wona; xinyami lexi nga mahlweni ka vona ndzi ta xi hundzula ku vonakala, tindhawu leti nga fambekiki ti ta va rivala. Swilo leswi, ndzi ta swi endla hinkwaswo, a ndzi nga siyi na xin'we xa swona.

Pisalema 147:6

Xi pfuxa lava xanisiwaka, kambe lavo homboloka xi va wisela hansi.

Duteronoma 33:3

Vanhu va xona, xa va rhandza hakunene, hinkwavo lava xi nga tihlawulela vona va le vokweni ra xona, va nkhinsama emilengeni ya xona, va amukela swileriso swa xona.

Esaya 42:18

HOSI Xikwembu xi ri: “N'wina vanhu vo pfumala tindleve, yingisani, pfulani mahlo mi languta, n'wina vanhu vo ka va nga voni.