Pisalema 146:7 - BIBELE Mahungu Lamanene

⁷ Xi yima ni lava xanisiwaka, lava sikaka xa va phamela, lava bohiweke xi va humesa ekhotsweni.

Xitsonga (Bibele)

⁷ U lulamisela lava xanisiwaka; U nyika lava nga ni ndlala swakudya.

Pisalema 146:7 Referans Kwoze

Pisalema 103:6

HOSI Xikwembu xi lwela hinkwavo lava xanisiwaka, xa va sirhelela.

Pisalema 68:6

Vanhu lava nga ni xivundza, Xikwembu xi va nyika vutshamo, xi ntshunxa lava bohiweke, kambe lava tiarisaka va ta tshama emakwandzasini.

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Luka 4:18

“Moya wa Xikwembu wu le ka mina, hikuva xi ndzi hlawurile ku ya byela swisiwana emahungu lamanene; xi ndzi rhumile ku ya tivisa lava bohiweke leswaku va ta ntshunxiwa, ni lavo-fe-mahlo leswaku va ta vona; xi ndzi rhumile ku ntshunxa lava xanisiwaka,

Pisalema 10:18

u yima ni lava pfumalaka vatswari, u lwela ni lava xanisiwaka, leswaku vanhu va misava leyi, va nga ha engeti va va karhata.

Pisalema 142:7

Ndzi humese ekhotsweni, leswaku ndzi tlhela ndzi ku tlangela. Lavo lulama va ta ndzi rhendzela va tsakile, hikuva u ta va u ndzi endlele leswinene.

Timhaka 16:26

Kambe hi nomu lo, ku tsekatseka lokukulu ka misava ku va kona; kutani masungulo ya khotso ma tsekatsekisiwa; kan'we-kan'we tinyangwa hinkwato ti pfuleka, kutani tinketani ta vabohiwa hinkwavo ti ntshunxeka.

Timhaka 5:19

Kambe ntsumi ya Hosi yi pfula tinyangwa ta khotso nivusiku, yi va humesela ehandle, yi ku:

Luka 9:17

Va dya va xurha hinkwavo, kutani ku rholeriwa mahlanhla lawa va ma siyeke, ma tata swirhundzu swa 12.

Luka 1:53

Lava nga ni ndlala, ú va phamerile leswo nandziha, va dya va xurha, kambe lavo fuma ú va tlherisile va nga ri na nchumu.

Malakiya 3:5

HOSI ya matimba hinkwawo yi ri: “Ndzi ta ta exikarhi ka n'wina ndzi ta mi avanyisa; ndzi ta hatla ndzi boxa nandzu wa vangoma ni wa lava endlaka vuoswi, ni wa lava hlambanyaka hi mavunwa; ndzi ta ba lava nga hakeriki vatirhi va vona hi fanelo, lava xanisaka tinoni ni swisiwana, ni lava hlongolaka valuveri. Ndzi ta avanyisa hinkwavo lava alaka ku ndzi komba xichavo.”

Yeremiya 31:14

Vaprista ndzi ta va phamela swakudya leswo xawula, vanhu va mina ndzi ta va lulamisela leswinene, va dya va xurha. Ndzi vula sweswo mina HOSI.”

Esaya 9:4

hikuva joko leri a va rhwexiwile rona, ni nhonga leyi vaxanisi va vona a va va ba ha yona, wena HOSI u swi tshovelerile kukota loko u tshovile matimba ya Vamidiyani.

Pisalema 136:25

Swivumbiwa hinkwaswo swi phamela hi yena. — Rirhandzu ra yena hi leri nga heriki —

Pisalema 72:4

Mufumi wa tiko a a sirhelele swisiwana; a a pfune lava pfumalaka, kambe a herisa vaxanisi,

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Pisalema 9:16

HOSI yi titivisile, hi ku avanyisa ka yona loku lulameke: Lavo homboloka va phasiwile hi swiendlo swa vona vinyi.

Pisalema 35:10

Ndzi ta vula hi mbilu ya mina hinkwayo, ndzi ku: A ku na la fanaka na wena we HOSI, hikuva u kutsula swisiwana eka lava va swi xanisaka, u lwela vapfumari eka lava va va tekelaka swa vona.

Pisalema 68:7

We Xikwembu, siku u humeke ni vanhu va wena u tsemakanya na vona mananga,