Pisalema 145:2 - BIBELE Mahungu Lamanene

² Siku rin'wana ni rin'wana ndzi ta ku nkhensa, ndzi dzunisa vito ra wena hilaha ku nga heriki.

Xitsonga (Bibele)

² Ndzi ta ku vonga hi masiku hinkwawo, Ndzi dzunisa vito ra wena hi mikarhi leyi nga heriki.

Pisalema 145:2 Referans Kwoze

Nhlavutelo 7:15

“Hikokwalaho, va le mahlweni ka xiluvelo xa Xikwembu, va xi tirhela vusiku ni nhlekanhi eTempeleni ya xona. Kutani loyi a tshameke exiluvelweni, ú ta va kusuhi na vona a va sirhelela.

Pisalema 71:6

Ku sukela siku leri ndzi nga velekiwa ha rona, ndzi tiseketela hi wena, hi wena u ndzi humeseke ekhwirini ra manana. Ndzi nga ka ndzi nga tshiki ku ku dzunisa.

Pisalema 119:164

Siku rin'wana ni rin'wana ndzi ku tlangela ka-7, hikwalaho ka leswi u swi boheke hi ku lulama ka wena.

Pisalema 72:15

Mufumi wa tiko a a hanye malembe layo tala, vanhu va n'wi luva hi nsuku wa le Xeba; a va n'wi khongelele minkarhi hinkwayo, masiku hinkwawo va kombela leswaku Xikwembu xi n'wi katekisa.

1 TIKRONIKA 16:37

Kutani Davhida a veka Asafa ni Valevhi-kulobye entirhweni wa ku hlayisa Areka ya Ntwanano wa HOSI Xikwembu, a va lerisa ku tirhela Xikwembu kona, va hetisa tifanelo ta vona ta siku rin'wana ni rin'wana.

Pisalema 96:2

Yimbelelani mi dzunisa HOSI, mi tlangela vito ra yona; siku rin'wana ni rin'wana vulani leswaku Xikwembu i muponisi.

Pisalema 146:2

Ndzi ta vonga HOSI vutomi bya mina hinkwabyo, ndzi twarisa Xikwembu xanga hi tinsimu loko ndza ha hanya.